كلمات الليل واخره
يا بوى.. ع الليل وآخرة
لما ان تصحى جروحى
حمل.. وما جادرش أتَاخرُه
عنى.. وع تِوجّ روحى
زحام اوهام مالينى
بادعى: اللهم لينى
يا همومى.. وهمَّلينى
وبدال ما تاجى.. روحى.
ليلاتى.. فى الميعاد ده
ينعاد عمرى اللى عدى
والجى الماضى اللى عَادْ ده
ع الحاضر يستعدَّى
والحزن ف جلبى ناخرُه
والريح ناح فوج سطوحى
ويا بوى ع الليل وآخرة
لما ان تصحى جروحى
بادعى الله تعالى
يطفا شوجى وحنينى
يا فجر يا جاى تعالى
زيح حِمل تجيل حانينى
لا يضيع كنزى اللى داخرُه
ونوحى يا روحى.. نوحى
ويا بوى ع الليل وآخرة
لما ان تصحى جروحى
تعليقات
إرسال تعليق