كلمات القلب لك هاجوس
فالقلب لك هاجوس اطلق عنانه وصيته ينقي معانيه بحساس
ان كان قلبك يستثيره حنانه بادلي اللهفه من الراس لراس
درس الغلا يصعب عليك امتحانه لاصار ماعندك امل اقهر الياس
قدر شعور اللي تساكن بنانه اصدر بحبه والعرب غيرك اجناس
حبك بحر وعيونك السود دانه وسطه وجبت الدانة بقوة الباس
وعهد علي والعهد مني ضمانه تبقى بقلبي سيده واقرب الناس
هذا وعد من عاشق في كيانه وفى وهذي من مكارم بني ياس
حبك في قلبه ماتغير مكانه بين الضلوع العوج من دون حراس
لاتقرب من انفاس صدري أمانه خلك مابين القلب والضلع لاباس
أخاف أذوب من الغلا والميانه واموت ولا مت تلفضك الانفاس
القلب لك هاجوس اطلق عنانه واوصيته ينقي معانيه بحساس
وان كان قلبك يستثيره حنانه بادلني اللهفه من الراس لراس
تعليقات
إرسال تعليق