ألغاز تونسية مع الجواب

الميت هازز الحيّ و الحيّ بالصّوت ينادي اتحرّك الميت بالحي...شفت العجب يا اولادي

----الدّوح

بنت المؤذن للّا فلانة، لابسة ملفوق و سقيها عريانة

----الدجاجة

علي كرشك في كرشو ويدك فيه تزها الأيام وتلعب بيه

----العود

على مدينتنا السودة وسكانها اهل حظر فيهم عادة مشومة يسيبوا الانثى ويحزروا الذكر

----خلية النحل

كانك قاري وفهيم وتقرا حروف المتنبي......فيك حاجة مش خليقة ربي

----الوشم

خز خز مطمورنا مليان بالخرز

----الرمان

على شجرتنا سيسبان وكل دواء منها طلعولها الفرسان ولا حد جاب منها

----مرارة الغراب

جمــيّــلنا قاع قاع يمشي على فرد كرع

----الباب

كانك قاري وفهام وتعرف حروف المواشي قلي على اللي انت تعرفها وبوك مايعرفهاشي

----حليب امي

على عبد الصمد عرضو الواد بماه لا عبد الصمد شرب ولا الوادعطاه ماه

----البكوش

هو ماء ,لا طلع مالأرض ولا هبط مالسماء

----العرق

على شايفة شافت شيء و الشيء ما شافهاشي منعت الشايفة و جاء الشيء فلي ما شافهاشي

---- الوحم

على شي مصموط طيبوه في الملح ويبة ذاقوه لقوه مسوس ما دروا واش عيبه

---البيضة

زوز أخوات متقابلات وحدة في شنق الحبال و الأخرى في العز والدلال

---المنسج

عجل بوك حسين يمشيولوا خمسة يشدوه ثنين

---القملة

على زوز خوات ناس ملاح واحد حلواني واحد قتال أرواح

-----العيدين

"القُبّة قبّت جامع و العنكوش عنكوش جمَل ، عايش في جهنّم و يبيع في العسل"

-----براد التاي

نحكي ليكم على الميم , الميم توضى و صلى , خرج ما ولى

-----الميت

حَـــامِــل ومَــحْــمُــول شْــــطَـــرْ شَـــايِــحْ وشـــطَــرْ مـــبْــــلُـــول.

------السفينة

عـْــــلـــى شـَــيْ بِـــيـــنِـــي وبِـــيـــنِـــكْ لا تــــشُـــوفُـــو عِـــيـــنِـــي ولا عِـــيــــنِـــــكْ

-----الـــهواء

على للاّ زينتها الريش.. والريشر إمدوّر بيها.. ..لا تتباع..لا تتشرا.. لا يتّعطا مال فيها....

--------العين

اخضر مالخز مبلول ويصفارمثل النحاسة ويحمار من عيشة الهول وبالسيف يتقص راسو

--------التمر