رواية تزوجت طفلة الجزء العاشر
وسط فرحه الجميع وابتسامات مابين طالعه من القلب ومزيفه
وبعد مرور بعض الوقت والكل بيستعد انهم يروحو البيت
عند ياسر
اسماعيل سند سعديه وهنيه هتشيل البنت ياسر جرى ومسكها انا هشيلها
هنيه ياولدى لتوقعها ياسر لا متخافيش
انتى بس امسكى جوزك وتبتى فيه واوعى يوقع منك
هنيه صحت عبد الهادى ونزلو كلهم
وصلو الشقه وهنيه دخلت المطبخ تحضر اكل وعبد الهادى
واسماعيل قاعدين فى الصاله
ياسر مع سعديه فى الاوضه :
ياسر ساكت
سعديه مالك
ياسر :بقولك ياسعديه اوعى تصدقى ولا كلمه من اللى امى
قالته
سعديه :ليه
ياسر :عشان كانت بتكدب فى كل حرف بتقوله
سعديه :عرفت ازاى
ياسر :وهى بتتكلم كنت مركز مع تعابير وشها وشوفت انها
بتبص بعيد عنك وهى بتكلمك ودا دليل على انها بتكدب
انا قريت عن الموضوع ده كتيير
سعديه :معقوله دانا صدقت انها بقت كويسه وفرحت
ياسر :بصى كأنك صدقتيها ومتبينيش اى خوف من ناحيتها
اتجنبيها بذكاء وخدى بالك متخليهاش تنفرد بصفاء مهما
كان او تعملها اكل او شرب او تعملك انتى اى حاجه
مخصوص ليكى لوحدك
سعديه :متخليها تروح ينوبك ثواب وتريحنى
ياسر مينفعش هتشك احنا عاوزين نبعدها ليه عرفنا هى ناويه على ايه واللعب يبقا عالمكشوف
سعديه :انا لولا خايفه على عمك كنت حكيتله كل حاجه
هو الوحيد اللى يعرف يوقفها عند حدها بس للايف
قلبه ضعيف ميستحملش زعل وصدمه فى اخوه ومرات
اخوه
ياسر :لا خلينا كده احسن وبعدين انا معاكى
سعديه مسكت ايديه وبصتله انا مش عارفه من غيرك كنت
عميلت ايه الفرحه اللى فرحناها انا وعمك دلوكيت انتا السبب فيها ربنا ميحرمنى منك ياولد قلبى
ياسر :ولا يحرمنى منك ياحلى واحن واجدع سوسو فى الكون
صفاء بكيت
ياسر :انتى هتغيرى من اولها ولا ايه بقولك سعديه دى امى
قبل متكون امك واى وقت هنزلك من على رجلها واحط
دماغى وانام انا انا بقولك اهو
سعديه ضحكت :لا دى بتبكى عاوزاك تشيلها ومسكت صفاء
وادتها لياسر اللى شالها وبصلها جامد ومسك ايدها الصغنونه
وباسها
وهنا هى مسكت صباعه جامد بقوه طفله صغنونه
حاول بالراحه يسحب صباعه بس هى ماسكه فيه
ياسر متخفيش مش هسيبك مش هسمح لحد يأذيكى
انتى فى حمايتى وحس بشعور غريب نحيه صفاء شعور
اول مره يحسه شعور بالمسؤليه شعور ان فيه انسان
حياته متوقفه على حمايتك ليه
عدى ٦ ايام اسماعيل :بكره هاروح ادبح عجل عند مسجد
السيده نفيسه وافرقه على الغلابه هناك
وهنعمل عقيقه
ياسر :العقيقه تتعمل فى البلد عشان احنا منعرفش حد هنا
وكمان نفرح اهل البلد ونعرفهم بولادتك
اسماعيل :وهو كذلك اول ماسعديه وصفاء يشدو حيلهم
نشد على البلد
عدو ض١٥ يوم وسعديه اتحسنت وقررو يرجعو البلد
وصلو البلد وخبر ولاده سعديه انتشر بسرعه جدا
وكل نسوان البلد راحت عشان تبارك وتنقط وتتأكد من الخبر
والكل فرح لسعديه عشان قلبها الطيب واخلاقها الكريمه
روحت هنيه البيت تخطط وتدبر عشان تخلص من سعديه
وبتها
بصت لعبد الهادى اللى نايم وقامت ضرباه فوق انتا نايم ولا
على بالك
هنعمل ايه فى البت
عبد الهادى :بت مين
هنيه :صفاء
عبدالهادى :صفاء مين
هنيه :يووووه
وياسر اللى مش مدينى فرصه وحاسه من بصه عنيه انو كاشفنى دايما
وشكله بيحب البت قوى وبيخاف عليها
عبد الهادى بتوهان : مدام بيحبها يبقا يتجوزها اى حد يحب
حد يتجوزو علطوووول الحب حلو ملييييييح
هنيه بصتله ولسه هتخبطه بقوله وفجأه وقفت وتنحت
وكأنها اهتدت لشيئ
هنيه :ايوه صوح يتجوزها مهيا بت يتجوزها وبكده الارض هترجع تانى فعبنا من غير تعب
بصتله :تسلم الدماغ العالى المتكلف وباسته
الصبح راحت لسعديه تساعدها فى كل حاجه واتغيرت جدا
وبقت بتحب صفاء وتخاف عليها وده خلى سعديه
وياسر متحيرين جدا ومش فاهمين حاجه
وبعد مرور خمس سنين كانو اجمل خمس سنين مرو على
سعديه واسماعيل وياسر اللى صفاء ملت حياتهم بهجه وسعاده
وهنيه ساكته ومسالمه لدرجه انهم حسو ان ربنا هداها
واطمنولها خالص
ياسر كان مشغول فى دراسته وبيتفوق فيها دايما
صفاء كانت متعلقه بياسر بشكل غير طبيعى ومعتبراه ملكيه
شخصيه ومحدش ليه الحق انو يتكلم معاه او يقعد معاه
اكتر منها والكل كان بيضحك على الموضوع ده
ولما ياسر يبوس ايد سعديه ولا هنيه تفضل تعيط وتقول
ياسر بتاعى انا ياسر بتاعى انا بس
تمت صفاء ١٠ سنين وكانت اجمل بنت فى البلد والبلاد اللى
جمبها وكانت تطلع وتلعب مع العيال لكن هنيه معجبهاش
الوضع
هنيه : اسماعين عاوزا اتكلم معاك
اسماعيل :اتكلمى ياهنيه فيه ايه
ميته ينفع اللى بتعمله مرتك ده
اسماعيل :ايه اللى بتعمله مرتى ياهنيه
هنيه :سايبه صفاء تجرى وتلعب وهى فى السن ده
اسماعيل :سن ايه ياهنيه البت صغيره وبتلعب مع زمايلها
هنيه : لا مهياش صغيره وبكفاياها لعب لحدت اكده البت
كبرت ولازم تطاهر وتقعد فى البيت وتتعلم شغل البيت
ولا تكونش مرتك مش هتطاهرها ولا تجوزها وتجبلنا
العار وسط الناس وبتك محدش يرضى ياجى ناحيتها
وتبقا معيوبه وسط الناس
اسماعيل :خلاص انا هفاتح امها وشوفو ايه اللازم انتى وهى
اللى بيتعمل واعملوه
هنيه :تسلم ياحج كنت عارفه انك مترضاش بالعيبه واصل
سعديه :بتقول ايه ياسماعين معقوله انتا عاوز تقطع حته
من جسم بتك اللى ربنا خالقو لسبب انتا ازاى تفكر اكده
اسماعيل :افكر كيف يعنى ماديكى انتى اهلك عملولك اكده
واديكى اتجوزتى وخلفتى وتمام وكل الناس اكده
ولا الظاهر كلام هنيه صوح وعايزه تعملى تقليعه جديده وتسيبى البت تجبلنا العار
سعديه :اسمعنى ياسماعين
اسماعيل :بلا اسماعيل بلا زفت خلاص الموضوع منتهى
وانتى بعدى خالص هخلى هنيه تعمل كل حاجه ارتاحى انتى
سعديه :بقا اكده ياهنيه طيب
سعديه :الووو
ياسر :ايوه ياسوسو ازيك وازى صاصا روح قلبى
سعديه الحق صفاء ياياسر الحق شوف امك هتعمل فيها ايه
ياسر فيه ايه :
سعديه تعالالى بسرعه
ياسر :حاضر مسافه الطريق
اول ماياسر دخل
سعديه :
انا مش هختن بنتى ياياسر مش هختنها مش هعمل الجريمه
دى ياياسر
ياسر فاق من افكاره على صوت صفاء
اه دماغى عطشانه هو ايه حصل يايسر وايه الشاش ده هو
انا اتعورت
ياسر ولا حاجه ياصاصا هندهلك سعديه تفهمك
ومشى ياسر ونده سعديه اللى فهمت صفاء كل حاجه وفهمتها
تعمل ايه وتتتصرف ازاى
والصبح روح ياسر عند هنيه
ياسر صباح الخير
هنيه يسعد صباحك ياعريس
ياسر بص حواليه
هنيه بتبص على ايه انتا العريس
ياسر مستغرب
هنيه :هاه وعروسه ابنى عامله ايه دلوكيت
ياسر بيهز دماغه مش فاهم
هنيه :صفاء اسمالله عليها عامل ايه دلوكيت
ياسر رفع حاجب واحد وفتح بوقه
تعليقات
إرسال تعليق