لابكت نجد العذيه تهل دموعنا كلمات
نجد شامت لـ ابو تركي وأخذها شيخنا
واخمرت عشاقها عقب لطم خشومها
لا بكت نجد العذية تهل دموعنا
بالهنادي قاصرينٍ شوارب قومها
حن هل العادات ومخضبين سيوفنا
والطيور الحايمه جادعين لحومها
صعبةٍ أفعالنا لا بغاها غيرنا
وكلمة التوحيد حنا عمار رسومها
حنا هل العوجا نهار الملاقى عيدنا
والجزيرة كلها مدبين قرومها
لابتي عوج المراكيض هذا سوقنا
بيعوا الارواح في الهوش بأول سومها
مرخصين ارقابنا لا زهمنا شيخنا
والقبايل كلها شيخنا زيزومها
في تواريخ العرب راسمين علومنا
وعادة الدنيا تزول وتدوم علومها
تعليقات
إرسال تعليق