كلمات حزين انا مثلك لا تظلميني
حزين أنا مثلك لا تظلميني
صبرت حتى جاوز الصبر حده
كم ليلةٍ تعبت من الدمع عيني
لا هل دمعي عابرٍ كيف ارده
غديت أنا ما بين قسوة سنيني
وما بين قلبٍ جاير الوقت ضده
وفي كل يوم اشوف موتي يجيني
وحزن الزمن غطى عيوني بيده
احترت كيف اموت والحب فيني
موتي يهون ولا تموت الموده
وقتٍ مضى مابين زينٍ وشيني
اغليه مثل الروح لو طال صده
لو هي ثواني حب بينه وبيني
كنه عمر له داخل القلب مده
مصايبٍ من كل صوبٍ تجيني
حتى انتهى في صمت ودي و وده
تعليقات
إرسال تعليق