كوبليهات كايروكي مكتوبة
لشعب حكامه خانوه .. وتوهوه وغيبوه واللي انتبه منه .. وفاق غموله عينه كمموه .. وسلموه فى المعتقل لكلاب جعانه يقطعوه .. لكنه رغم القهر قام زئر وزام وفى اسبوعين زلزل حصون الجلادين .. هد النظام فوق راس جميع المفسدين
نزلت وقلت أنا مش راجع .. وكتبت بدمى فى كل شارع .. سمعنا اللي مكنش سامع .. واتكسّرت كل الموانع سلاحنا كان أحلامنا .. وبكرة واضح قدامنا .. من زمان بنستنى .. بندور مش لاقيين مكاننا فى كل شارع فى بلادى .. صوت الحريه بينادى .. فى كل شارع فى بلادى .. صوت الحريه بينادى
نفسى اغير واتغير .. يعدى الصيف .. ويجي الشتاء .. وانا زى ما انا تفوت ايام .. واسمع كلام .. عن حلم راح وانتهى .. نفسى اختار طريقى نفسى اهرب وافك ايدى .. نفسى اتكلم واقول .. نفسى ازعق واثور .. نفسى اغير واتغير يعدى الصيف .. ويجي الشتاء .. وانا زى ما انا
حلمى انااااااا .. ازرع ورود .. مكان الحدود .. بين البشر .. امسح دموع .. طفل موجوع وحاسس بالخطر .. حلمى انااااا .. فى عيون الناس .. لكنه تاه .. وسط الاحداث لكن اناااااا مش ناسى .. انااااااا مش ناسى .. ومش قادر ابدأ من جديد .. انااااااااا مش هنكسر ولا هتهزم .. فيك يا زمانى .. اناااااااا .. مش هرتوى من بحر غرقانه فيه كل احلامى .. حلمى انااااااا .. ان العيون .. متشوفش لون
فى وشوش الناس انا اتئملت .. وفهمت معانى واتعلمت .. شوفت الغلبان المهموم .. وشوفت الشر جوا العيون شوفت الدين والايمان .. وشوفت الفجر والنسيان .. غريب فى بلاد غريبه .. غريب فى بلاد غريبه انا شوفت ناس تتباع بالمال .. واب بيشقا على لقمه حلال .. يتعب يشقا يشيل الهم .. يفرح يزعل مش مهم
فى لحظة سكوتك فكر .. وجوا نفسك دور .. ارسم لون وصور .. وافتح قلبك ونور طريقك مش بعيد .. صدقنى انت مش وحيد .. انت كل شيئ جديد .. دلوقتى وقتك اكيد افرد جناحك .. وطير فى الهوا .. سقفك بعيد .. فوق فى السما هيحاولوا دايما يبعدوك .. ويغموا عينك ويرجعوك .. عايزينك تعيش وتموت .. وكأنك اصلا مش موجود
انت مصراوى وبدمك تفديها .. بتغير عليها ودمك حامى ولا ناسيها دايما بتشكى ومش عجبك الحال .. طب ما تورينا الهمه وكفايه كلام متقولش دا كان زماااان احنا النهارده .. نتعب نشقا ونعلا وربك هيرضى انت مصراوى ولا خلاص مش ناوى .. هتشيل الحمل معانا ولا خلاص تنسانا بتحب بلادى ولا نسيت اجدادى .. بتغنى اغانى زمان ولا عامل مش غاوى
مكانش ينفع ابدا نكمل كان لازم نبعد ونتالم .. مش عيب منك ولا منى انا مش لاقى نفسى مش فاهمنى كمان بشوفك ف خيالى .. ف مكان احسن م مكانى .. بسأل عليكى السما .. ببعت سلامى مع الهوا كل يوم دايما بنهرب م الحقيقة .. كل مره نقوم صفحة جديده .. كل يوم بنعيد ونزيد .. حاولنا كتير مفيش جديد
كل يوم نفسى ارسى ومفيش مرسى .. بضحك على نفسى ودايما بنسى الوعود انا نفسى اقول كفاية نفسى ارضى باللى معايا .. انا نفسى ابقى حد تانى انا نفسى اهرب من مكانى اصل انا تايه وسط الايام تايه مش لاقى مكان .. وكل يوم اقول بكره البدايه كل يوم نفسى ابعد بعيد دايما فى بالى بفكر فيها مش قادر ابدأ من جديد .. قلبى بيناديها وهى فين دايما معايا ومش معايا
لو كان عندى جيتار لعبرت بحور الاسرار .. وسطرتك نغما للافكار وحويتك فوق الاوتار اجمل الحان الاقدار لرسمتك ملكا كل الاقمار .. ورعيم البحر وعذوبة كل الانهار ونجوم الليل وضوءً تخشاه الشمس ف كل نهار .. لو كان عندى جيتار لعبرت بحور الاسرار وسطرتك نغما للافكار وحويتك فوق الاوتار .. اجمل الحان الاقدار لعزفتك لحنا كالاعصار
بكرة الشمس تطلع وتشوف الشجر .. ولو كملت يومك هتقابل القمر بكرة الشمس تطلع وتشوف الشجر .. ولو كملت يومك هتقابل القمر بقيت بخاف م خوفى بطلت احس جروحى .. ع طول تايه وسارح وبكرة زى امبارح وم هنا انا ابتدت فتحت عينى وصحيت .. وشوفتها وحبيت قالتلى انت مش وحيد بكرة الشمس تطلع وتشوف الشجر .. ولو كملت يومك هتقابل القمر
صحيح الزمن هدنى وخلانى انحنى محدش حاسس بوجودى .. ومحدش سامع صوتى كبريائى وكرامتى معانى تاهت جوايا وجه الوقت انى اسال نفسى وضميرى يواجه ياسى .. ياااااه رايى وحقى م زمان ممنوع حلمى وصوتى م زمان مش مسموع .. بيضللونى عاوزين سكوتى واما يعوزونى يشتروا صوتى
خلاص الشارع مبقاش فيه رحمة .. قضيت نص حياتى فى الزحمة .. نفسى اركب جناحات و اطير .. نفسى اقول كلام كتير سواق التاكسى كرهنى فى نفسى .. والميكروباص بيدوس على الناس .. و الناس كلها ماشيين بالعكس .. مفيش دم و لا احساس بنات بلدنا بيتحرشوا بيهم .. و القانون مش عارف يحميهم .. نظام قديم زى الجديد .. و كله ماشى بالتعريض نفسى افجر الشوارع و الطرق .. كل يوم دمى بيتحرق
فى وسط الكذب و الجشع .. فى وسط النفاق و الطمع .. طلع الجدع قال كلمته .. و هى دى كانت تهمته ورا القضبان اتشد .. و التهمة كلمة حق .. قالها من قلبه اللى مات .. و ما حسبش الحسابات باع الدنيا و ما فيها .. ما حيلتوش حاجة يبكى عليها .. لكن فى ارض النفاق .. كالعادة يكسب الكداب و ياما فى الحبس مظاليم .. يا ليل يا ليل يا يا يا ليل يا ليل يا عين صحى من نومه .. و ابتدا يومه .. راجل غلبان .. شايل همومه .. يوماتى بيجرى
علمونا فى المدارس جملة بتقول العلم نور .. كتبوها على الجدران و من بره المدرسة على السور و السور كناية عن حجب الدنيا من البداية .. من بره بيقول حكم و جوة كدب ملهوش نهاية فاعلية الجملة و معناها و ايه مغزاها .. حالها كحال المناهج حفظناها و ما فهمناها انا مش قادر اعيد ايامى .. انا مش قادر افضل فى مكانى .. واقف فى طابور بين الجماهير .. مستنى دور فى مسرح كبير بحيى العلم و بقول يا بلادى .. و من قلبى بصرخ و بنادى .. يا بلادى انا فين اكون .. انا خايف من بكرة المجنون
طلع الصباح كل الجمال فى طلعته .. و النور سرح كحل عينينا بفتنته .. والطير صدح للمولى جلت قدرته الحان جميلة تنعش القلب الحزين .. يسعد صباحكم كلكم يا شغالين .. الشمس طالعة و ابتسامة الامل فى عقول ياقوت زى الخدود وقت الخجل .. بتقول يا نايم قوم بدأ وقت العمل .. دى الدنيا خيرها و عزها للشقيانين يسعد صباحكم كلكم يا شغالين .. يا ولاد بدلنا من جنوبها لشرقها .. يا مشمرين عن السواعد كلها
عملت حسابى انى انساكى .. قبل اصلا ما ابقى معاكى .. انتى فاضية و انا فاضى .. بنحاول نهرب من الماضى فى حد فى قلبك مستخبى .. تقريبا اللى كان قبلى .. و مش قادرة تنسى الايام .. و عاوزانى اكون زيه تمام و علشانك انتى انا هبقى هو .. و همشى و اسيبك زى ما هو .. سابك وحدك للايام .. الدنيا داين تدان انتى عايشة فى مسرحية .. عاوزانى اكون كومبارس فى الخلفية .. و ياريت تقوليها علشان زهقان .. و انا اعمل دور الزعلان و بلاش تعيشى دور الضحية .. و تصدقى المسرحية .. انتى كدبة و صدقتيها .. و انا مش عارف اعديها اسمعى منى الحقيقة .. افهميها و صدقيها .. انا بالنسبة ليكى كوبرى .. هتعدى عليا وتجرى و تهربى من الحقيقة .. و تفضلى دايما وحيدة .. خلاص ملوش لزمة الكلام .. انتى اصلا مش تمام ادينا عيشنا لنا يومين .. ما تفكريش مرتين .. انتى عايشة فى مسرحية .. عاوزانى اكون كومبارس فى الخلفية
التليفزيون هو اللي ساير ياخدك بعيد ويجيبك وخلي ”عقلك“ غايب ومذيع التوك شو بيهرج زي البلياتشو مع الفنانه هزت الاحساس اللي بتحب كل ”الناس“ هي هي نفس الحدوتة طنط تعمل دور ”بنوتة“ نفس السيناريو نفس ”الحوار“ مكتوب علينا غصب واقتدار ؛ والأغاني مش عجباني ولا فيها ”كلام“ ولا فيها معاني نفس الاصطنبة زي ”الافلام“ والمسلسلات صدر و ورك و رقصة على ”مزيكا“ المهرجانات ؛ محلل ”استراتيجي“ خارج من فيلم أكشن ليل نهار علينا عمال بيكنشن عايش في ”مغامرة“ كل حاجة مؤامرة قال ايه 25 مكنتش ”ثورة“ والمذيع طبعا شغال على الصوره شغلك تلمع وتبروز ”الصورة“
البكا بكا ”بكابورت“ صبرت كتير وعمري ما نولت ”عايش“ في القاع وجالى صداع وكل يوم تزيد الأوجاع في البكا بكا بورت نصبوا علينا في ”حياتنا“ ولخصوا كل حكاياتنا .. أنا كنت شاب جميل وكيوت لحد ما خدت أنا بالشلوت من يومها على أمري مغلوب في ”دنيا“ ماشية بالشقلوب .. تلوث بصري وسمعي مش قادر أداري يا ناس دمعي
غمض عينك مرة كمان الدنيا لوحة وانت الفنان .. ارسم بمزاجك واشطب على الي فاتك بكرة عاوز يسمع حكاياتك اشخط في سكوتك واسمع صدى صوتك .. قبل ما الدنيا تجري وتفوتك اقلب الصفحة الدنيا لحظة في مرة هتنام ومش هتصحى .. متلخبط وبتتخبط من بكرة ونسيت تعيش باصص وراك مش قدامك متكتف واقف في مكانك ومبتمشيش .. الدنيا لعبة والعبة صعبة هزها شوية وكفاية قعدة
كل يوم تفوت أيام وتجرى أوام ومش لاحقين .. تايهين في دنيا تلاهي محدش فيها باقي دة مال عاوزين تعمل حاجة من المحال بس إنسان يعني النسيان .. جينا الدنيا في لفه وماشين منها في لفه بين اللفتين بناخد لفه في ناس دنيا وفي ناس دين وناس من النص نصارى ماسكين .. والزمن بيبيع بارخص تمن وفي عز جبروتك يديك بالالم
تعليقات
إرسال تعليق