فوازير تونسية مع الحلول
على ستة ماشين على حرف البحر واحد ترك الاثر و خمسة ما خلفو اثر------ القلم الذي يترك الجرة والاصابع اللي لا تترك الجرة وذلك عند الكتابة
عبد الصمد عرضاتو رزية الروس خمسة والصوابع مية---------الجنازة
علّي إسموا بالحاء و الحاء فيه مدسوس من برة مالح و من داخل مسوس.---------حـــــمــــص
قالك على أنثى مـعـرشـة في الأرض مكرشة ولدها سلطان و ولد ولدها شيطان---------- العنب
شجرتنا شجرة قديمة عندها خمس فروع ثلاتة في الشمس و اثنان في الظل ؟--------الصلاة
شاروقة في راقوبة تسمع بها ما تراها----الاذن
على شايب دهري وأولادوا فلاس هو يعطي لأولادوا وأولادوا تعطي للناس---------براد التاي و كيسانو
عجل بوك حسين يمشيولوا خمسة يشدوه ثنين---القملة
نحكي ليكم على الميم , الميم توضى و صلى , خرج ما ولى-----الميت
حَـــامِــل ومَــحْــمُــول شْــــطَـــرْ شَـــايِــحْ وشـــطَــرْ مـــبْــــلُـــول.------السفينة
عـْــــلـــى شـَــيْ بِـــيـــنِـــي وبِـــيـــنِـــكْ لا تــــشُـــوفُـــو عِـــيـــنِـــي ولا عِـــيــــنِـــــكْ-----الـــهواء
كــانِـــكْ قَــارِي وفــهِــيـــمْ خــبَّــرْنِـــي عـــلــى شـــيء أكـــبِــرْ من الــبِــرْمِــيــلْ وفي لــحــظــة يُــقــتِــل كــثــيــرْ وإذَا نــزيـــدُوهْ نــقــطــة يــولِّـــي يْــطِــيـــرْ.-----دبابة
عللي أبيض مني و أبيض منك وأبيض من كاس البلار صب الماء يشعل النار -----الجير
علي هي هي مكركبى عطرية تطير بلا جناح في واد بو ذباح-----الكرتوشا
خـــبّـــرنــي عــلــى بـــنـــيّـــة مــا أقـــلْ حْـــيَـــاهـــا لا تــــعــرف وجْـــــهْـــــهَـــا مِــــنْ قـْــفَـــــاهَـــــــــــا تِـــجْــري بـيـنْ الــرّجال ووِلـْــــدْهـَـا فـي حْــشَـاهـا----الكورة
عــلــى اثــنــيــن مـــتــــلازمــــيـــن : واحـــد تـــشــوفــو بــعِـــيــنِــك ومــا تـــسْــمَــعْــلـُـو أنــيــنْ والآخِـــر تــسْــمْـــعُـــو بْــوُذْنـِــك و مُـــتْـــخُـــبِّــــــي عــلـى الــعِــيـــنِـــيــــنْ.------البرق و الرعد
على شايفة شافت شيء و الشيء ما شافهاشي منعت الشايفة و جاء الشيء فلي ما شافهاشي---- الوحم
على شي مصموط طيبوه في الملح ويبة ذاقوه لقوه مسوس ما دروا واش عيبه---البيضة
زوز أخوات متقابلات وحدة في شنق الحبال و الأخرى في العز والدلال---المنسج
راجل من غير رجليـــن وليه عنـــــد الناس قـــد ر وقـــــــيمه اسرع من الها تف ومن ارماش العين ولا هو ظالم ولا يحب الظلـــــيمه---ملك الموت
عبد الصمد قال كلمات وأسمعوا يا حذوني (الي بحذاه) ريت الماء في مجرى الدم و كان كذبت احرقوني--- القربة
علي أنثي عفيفة أذا غاب السلطان هي الخليفة----حجر التيمم
7 إمطارق في بير غارق ----القرنيط
أول زماني لؤلؤ أبيض، وثاني زماني زمرّد أخضر، وثالث زماني ياقوت أحمر، أعرفني وخوذ مني ذهب أصفر-----البرتقالة
على بقرتنا الصفراء و حليبها مرّار من قدام فركة و مل قفا مسمار---العقرب
عَلى ضِيفْ جَانـــَــــا ** بِشرُوا النَّاسْ و فَرْحُوا بيهْ**نْزَلْ و بَاتْ بِحْذَانَــــا صِبْحَتْ الـــنَّاسْ تْكَتِّفْ فِيهْ----الطفل الصغير
خبرُونِي عْـلَى فَارِسْ ديما جَالِسْ، يُحْكُمْ ِبينْ النّاسْ، وعُمْرُو مَا دخَلْ مدَارِسْ---الميزان
كانك قاري و فهيم و تعرف الحروف و المعاني. أنبأني علي عاش 270 و دخل في العمر الثاني--الجنين
بنت السلطان تبكي في قصرْها والدمعة واصلة لخصرْها----الشمعة
جارية تجري و في بطنها حمل إن عطشت عاشت و عاش حملها و إن شربت ماتت و مات الحمل---السّـفـيـنـة
عبد الصمد قال العقرب بيدي أنلمها نقز العاصي علي البقري زوكت العجلي في كرش أمها ملاحضة هذي صنيعة---البندقية
على شيء عجبْ الكفنْ حلوْ والميّتْ خشبْ----الدقلة
على قوس بلا سهم ولا وتر تلقاه في النّهار وفي الليل ماعندو أثر ----قوس قزح
علي كرشك في كرشو ويدك فيه تزها الأيام وتلعب بيه ---------العود
على مدينتنا السودة وسكانها اهل حظر فيهم عادة مشومة يسيبوا الانثى ويحزروا الذكر--- خلية النحل
كانك قاري وفهيم وتقرا حروف المتنبي......فيك حاجة مش خليقة ربي----------الوشم
على زوز خوات ناس ملاح واحد حلواني واحد قتال أرواح-----العيدين
على للاّ زينتها الريش.. والريشر إمدوّر بيها.. ..لا تتباع..لا تتشرا.. لا يتّعطا مال فيها....--------العين
اخضر مالخز مبلول ويصفارمثل النحاسة ويحمار من عيشة الهول وبالسيف يتقص راسو--------التمر
"القُبّة قبّت جامع و العنكوش عنكوش جمَل ، عايش في جهنّم و يبيع في العسل"-----براد التاي
كانك قاري وفهام وتعرف حروف المواشي قلي على اللي انت تعرفها وبوك مايعرفهاشي-- حليب امي
خز خز مطمورنا مليان بالخرز---الرمان
على شجرتنا سيسبان وكل دواء منها طلعولها الفرسان ولا حد جاب منها----مرارة الغراب
جمــيّــلنا قاع قاع يمشي على فرد كرع----الباب
على عبد الصمد عرضو الواد بماه لا عبد الصمد شرب ولا الوادعطاه ماه-----البكوش
هو ماء ,لا طلع مالأرض ولا هبط مالسماء-----العرق
بنت المؤذن للّا فلانة، لابسة ملفوق و سقيها عريانة----الدجاجة
علي نحوه من أمو و دفنوه دفنت لغبينا بعد ما مات صبح يدور فل مدينا----الفحم
شايب في تركينة يلكلك في عصيبينة---------الفتيل متع الزيت
يا ميلين الشواشي هذا البرنوص بالكيل أو بلاشي-----ثوب الحنش
على ثلاث تعدو واد واحد شافا و عفسا و واحد شافا و ما عفسا و واحد لا شافا و لا عفسا----النار و الرماد و الدخان
على طير طار مع الخطار ضهرو فضة و قلبو نار-------الرصاصة
الميت هازز الحيّ و الحيّ بالصّوت ينادي اتحرّك الميت بالحي...شفت العجب يا اولادي.....الدّوح
وصيّف اما حليلتو معلّق من وذينتو---ڨرين خرّوب
تعليقات
إرسال تعليق