كلمات أغنية خطاك الشر فيصل الساهم

خطاك الشر يا قلبي عسى في عداك كل ما جاك

سلامة جرحك وربي يعظّم في المصاب أجرك

خطاك إنك مشيت ولا حسبت في مشيتك لخطاك

ولا تدري وش يخلف بعد ذاك الوصل هجرك

رحلت أبعد مدى في الآه وراحت راحتي وياك

ولا خليتلي سلوى سوا في الطيب من ذكرك

خذاك البعد عن عيني ولكن في الحشى خلّاك

يبعّدك القدر عنّي ويزيد بداخلي قدرك

قبل أغزل من شروقك لتفكيري وعي وإدراك

ولا ظلّم علي الليل نوّر ظلمتي بدرك

ولامن ظقت من حالي ألوذ وأحتمي في حماك

وإذا واجهت عثراتي أحط ظهري على ظهرك

تعال وشوف حالي شلون صاير من بعد فرقاك

يتيم الفرح تبسقني دموعي كل ما أفتكرك

قبلت أعذارك بعقلي وعذتك بالذي سوّاك

ولكن قلبي المشتاق عجز لا يقبل بعذرك

موقع موسوعتى