طريقة عمل ماكدونالدز في المنزل

 طريقة عمل ماكدونالدز في المنزل

مقادير بيج ماك ساندوتش

- ١/٢ كيلو لحمه مفرومه

- ١ كوب فول صويا

- مياه ساخنه (لنقع فول الصويا)

- ملح و فلفل أثناء التسويه فقط

- عيش كايزر (ريتش بيك) والله ما إعلان 😂

- زبده لدهن العيش

- جبنه برجر

- خس كابوتشا

- بصل أبيض متقطع صغير جداً

طريقة لحمة البرجر

- يفضل اللحمه تكون ساقعه مش متلجه

- ننقع الفول الصويا في مياه ساخنه نص ساعه

- هنصفي فول الصويا كويس من المياهو نحطه في محضر الطعام مع اللحمه و نعجن كويس جداً لحد ما يكون عندنا عجينة لحمه ناعمه جداً

- نحطها في بوله و ندخلها التلاجه ١/٢ ساعه

- نخرجها بعد كده من التلاجه و نبدأ نقسمها كرات متساويه كل كره حاولي ٤ ملاعق كبار

- نشكلها في مكبس البرجر زي ما موجود في الڤيديو

- لو ما فيش مكبس برجر نفرد عجينة اللحمه زي البيتزا و نجيب كوبايه أو بولة شوربه نقطع بيه دواير البرجر و يتغلف بأكياس بلاستيك زي ما موجود في الڤيديو و يتساب في الفريزر ليله كامله

- للتسويه طاسه تدهن زيت خفيف و ننزل بالبرجر و نرش ملح و فلفل إسود على كل جنب هياخد من دقيقتين ل تلاته على كل جنب و بألف هنا و شفا

مقادير السويت ريليش

- ١ كوب خيار مخلل متقطع صغير

- ١/٤ كوب خل تفاح

- ١/٤ كوب سكر

- رشة ملح

- ( نخلط الكلام ده مع بعض و نسيبهم يعضموا سوا)

صوص بيج ماك ١ ( الأصلي)

- ١/٢ كوب مايونيز

- ٢ ملعقه كبيره صوص فرنسي (french dressing)

- ١ملعقه سكر صغيره

- ٤ ملاعق صغيره سويت ريليش

- ١/٢ ملعقه صغيره خل أبيض

- رشة ملح

- (نخلط الكلام ده مع بعضه و نسيبه يعضم في التلاجه ليله كامله قبل الإستخدام)

صوص بيج ماك ٢ ( الأوفر)

- ١/٢ كوب مايونيز

- ٢ ملعقه كبيره سويت ريليش

- ١/٢ ملعقه صغيره مسطرده

- ١ ملعقه صغيره كاتشب

- رشة ملح

- ١/٤ ملعقه صغيره من الثوم الباودر

- ١/٤ ملعقه صغيره بصل باودر

- ١/٢ ملعقه صغيره بابريكا

- (نخلط الكلام ده مع بعضه و نسيبه يعضم في التلاجه ليله كامله قبل الإستخدام