كلمات أغاني خليجية مشهورة
راشد الماجد
العيون
سود العيون كبار والشامه حلوه .. شايل جمال الكون وباليني بلوه
هالعيون اشلون اميلها .. سحر ذوبني بغزلها
بوسه من عندك حبيبي .. تسوى عندي الدنيا كلها
ياضوى عيوني وحياتي .. قلب اقدم لك هديه
اطلب اش ما ردت مني .. قول وادلل عليّ
انت مني وانا منك .. مستحيل ابتعد عنك
ابتسم يا بعد عمري .. ضحكتك ماكو مثلها
ذاب قلبي بالمحبه .. لا تظن عنك اتوب
طيّرت عقلي بغرامك .. ياما ذوبت القلوب
انت حبي نبض قلبي .. بس تعال شويه قربي
يا اعز انسان عندي .. وأغلى من هالناس كلها
من يقول
من يقول اني لغيرك .. انا لك ماني لغيرك
انا متعلق مصيري .. يا حبيبي في مصيرك
خلهم يحكون فيا .. مهما هم قالوا عليا
انت منهم وش عليك .. وانا منهم وش عليا
ودهم بس يتعبونك .. وعن عيوني يبعدونك
حاولوا ادري كثير .. بس صعبه يوصلونك
انت اكبر منهم .. وما اصدق حكيهم
زيديني حب وغرام .. يالله اضحك غيضهم
ما اتصلتي
ما اتصلتي ما سألتي .. ولا قلتي فلان شخباره
ما سهرتي ما تعبتي .. وما وصلتي لعتبت داره
وينك عني وينك .. ودي بشوفت عينك
انا مالي غيرك انتي هوا .. ولا غيرك لجروحي دوا
كاني غالي لي تعالي .. قبل حالي لا تذبل ازهاره
يا حنيني اللي فيني .. وعلى عيني تبين آثاره
ما عشقتي ولا ذقتي .. ما احترقتي بهالوا وناره
لو تجيني انسى ويلي .. وفيك ليلي تنور انواره
غلاها
غلاها ياكبر عندي غلاها .. عقشها القلب ولخاطر هواها
تولعت بهواها دون مدري .. وباع الناس قلبي واشتراها
تلاشى البدر من طلعت ضياها .. جمال الكون كله في سناها
بديت اغار من نفسي عليها .. واغار من العيون اللي تراها
إلاه العرش بالحسن انتقاها .. يحق لها بطلعتها تتباها
عليها من الدلع نظرات تأسر .. اشوف القلب ما يصبر بلاها
معاها بهجة ايامي معاها .. رضاها غاية النفس ومناها
عساها ترحم بحبٍ متيم .. شفا المجروح كله في لقاها
لك بعد عين
لك بعد عين نتواجه .. او تشوف عيوني فيها
انت ما خليت حاجه .. اغفر ذنوبك عليها
اختلف قلبك وقلبي .. من بعد ذاك الوفا
صار دربك غير دربي .. وانتى عهد الصفا
مهما في الدنيا يصير .. الوفي يبقى وفي
واللي في حبه كبير .. ما يهزه اي شي
ما بتشفع لك دموعك .. انت من قلبي انتهيت
ما كسر قلبي خضوعك .. لو ترجيت وبكيت
الهدايا
اعذريني يالهدايا .. لو هملتك بالزوايا
ماني متحمل اشوفك .. واللي جابك مو معايا
اللي جابك وينه عني .. يا ترى زعلان مني
ما درى اني في غيابه .. كم شكيته للمرايا
راح وخلاني لحالي .. شفت ويش سوى في حالي
خبريني ويش اسوي .. لو عشق قلبه سوايا
قولي لو هو حب غيري .. وش يكون اسمه مصيري
غير اموت انا فمكاني .. واترك الدنيا ورايا
بخيل
يا بخيل في هواك .. من يشاور ما عطاه
ولو يموتني غلاه .. الغلا ماهو خطاه
دايم ادور رضاه .. لك عيوني تنعطى
الامل سامر جفاك .. وجرح ظنوني البطى
يا دفا وينه دفاك .. صار لي بردي غطا
ينحرق شوق وهلاك .. من على جمرك وطى
قلبك الليله معاك .. حبك بقلبي سطى
صاحبي شاور تراك .. بالبخل كل العطى
غلطة الايام
غلطة الايام احنا ما غلطنا .. كنا مشتاقين يوم انا افترقنا
كلنا ملهوب واحرانه كبيره .. العيون تشوف وإيدينا قصيره
لعبة الاقدار تلعب في هوانا .. والزمن غدار ما يحفظ أمانه
هذا شي معروف من يملك مصيره .. العيون تشوف وايدينا قصيره
يا حبيبي وين كنا وانتهينا .. صار دمع العين يتحسر علينا
الزمان سيوف وجروحه كثيره .. العيون تشوف وإيدينا قصيره
غرشوب
حبيت غرشوب ولعني ولوعني .. واسقاني الحب في كاسه واشقاني
دلوع مدري وش اللي فيه مولعني .. كل ما تركته اعود لدنيته ثاني
ان قال احبك يحاول ما يسمعني .. يلعب بأعصاب قلبي بس يهواني
لكنه ساعه يدلعني يدلعني .. ويقول احبك وميت فيك يا فلان
ما شي في الكون عن شوفته يمنعني .. إلا النظر لو يفارق مقلةأعياني
من دون ما اشعر له الاشواق تدفعني .. واظن حتى بحلم النوم يلقاني
حسن الغراشيب لو فتان ما يعني .. بالنسبه لي شي غيره نقوت اوطاني
حبيب قلبي انا غرشوب لوعني .. ما انساه لحظه ولا هو لحظه ينساني
توصي شيئ
توصي شي انا بكره مسافر^^^وابي الليلة اسافر قبل باكر
ولكن قبل ما ارحل ودي تعرف^^ترا موتي ولا موت المشاعر
توصي شي توصي شي توصــــــي شي انا بكره مسافر
انا رتبت جرحي مع ثيابــــي^^^واخذت احزاني وآلامي تذاكر
يروح العمر وما راحت همومي^^صحيح اللي يقول الهم كافر
توصي شي توصي شي توصــــــي شي انا بكره مسافر
خسارة انت والدنيا عليــــــا^^^تكابر والزمن مثلك يكابــــــر
حبيبي كل من حولي ظلمني^^وتبغاني بعد هذا ما اسافر
توصي شي توصي شي توصــــــي شي انا بكره مسافر
خالد عبدالرحمن
لا تعتذر
تصبح وتمسي وترقد دون تسمعني...عودت قلبك على هجري ونسياني
انت تعمدت بغيابك تقاطعني...وانت تسببت في همي واحزاني
صبرت بس الصبر ماكان ينفعني..ومليت مل انتظار وبعدك اشقاني
ياماتمنيت شوفك وانت تمنعني... وانت تجاهلت احاسييسي ووجداني
لاتعتذر في العذر ماعاد يقنعني.. من عقب ماذقت من صد وحرماني
انا اتحداك اذا تقدر ترجعني... اوا نت تقدر على بعدي وهجراني
ماعاد لك اي دافع شوق يدفعني.. من عقب ماانت تبيع بارخص اثماني
بالحيل عانيت من بعدك ولوعني..جرب عذاب الفراق ويمكن تعاني
لالا تحاول وابعد روح وطاوعني ..ولاتفكر انك تعود لدنيتي ثاني
ماعاد حبك ولاشوفك يولعني ..انا نسيتك واطلب منك تنساني
وجه المرايا
غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك... يرسم همومه واحاول اتحاشاها
حتى المدينة حزينه عينها تبكيك... ويبكيك قلبي وعيني نثرت ماها
ياغايب عن عيوني خاطري يطريك... في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا العنى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها
السؤال
ماسألت بيوم نفسك هالسؤال.. ياحبيبي ماخطر مرة عليك
ليه انا اشتاق لك يابن الحلال.. ليه احبك ليه ميت بس فيك
اه لو تعرف معاناة الليال.. والعنى والشوق في قلب يبيك
ماتركته يحلم بلحظة وصال..كنت جيته قبل مايفكر يجيك
من هو مثلي دللك هذا الدلال.. واعتبر بالقلب اهو روحه شريك
ماترك للحزن في عمرك مجال.. والفرح حطه على راحة يديك
بس يكفي من تعاليك وتعال..ملت الساعات من شوقي اليك
ولا اسال خافقك نفس السؤال..ليه احبك واعشقك واموت فيك
الصورة المكسورة
بجانب كحلك ومشطك وبعض اشياء منثوره.. وعطر غامض مثلك يخبي في الزجاج اسرار
انا عشت الهوى قربك مجرد صورة مكسورة.. على تسريحتك عاشت حبيسة كذبة وغبار
اشوفك تنظرين لها بضحكة عين مسرورة.. وافكر نظرتك شوق معاها جملتين اعذار
واثاري نظرتك مرت عليها بس مجبورة..قصدتي خلفها وجهك تشتت في مرايا الدار
نسيتي واصبحت صورة مع الايام مهجوره..نسيتي وابتدت ترحل من البرواز والاسوار
نسيتي بس خليها يابنت الناس مستورة.. نسيتيني وانا مثلك نسيتك والزمن دوار
انا نفسي بديت انسى ملامح هذي الصورة..دخيلك لاتخليها بالبوم الصور تذكار
بديت انسى شقى نفسي ووجه الحزن وشعوره.. وقولي لمن سال عنها تشابه صورة الخوار
تعليقات
إرسال تعليق