كلمات أغنية لمة عيلة بهاء سلطان من احتفالية يوم الشهيد
في لمة عيلة مبسوطة وتليفزيون وفيلم جميل
قطع فجأة وقام ظاهر شريط أحمر وفيه تفاصيل
بيان مخصوص
وبدأ الخوف شعور محبوس
كأن الأم كانت حاسة
خلاص دي نهاية القصة
وتدعي يا رب يبقى كابوس
نبأ عاجل
فدانا بروحه كام راجل
بندعي لهم بقوا شهداء
وخوف بيزلزل الأعداء
وهو بيعلن الأسماء
صدمة وقف الكون الثواني لما قال اسم الولد
الشهيد فلان الفلاني مات عشان يحمي البلد
فجأة هز البيت سواد
واتقلب فرحه لحداد
هو ده الحضن الأخير
هو ده أخر ميعاد
من ساعتها البيت غريب
ناقصه روح ناقصه الحبيب
اللي مات عشان بلاده
جوه كل قلوبنا حي
لسه أوضته مرتبة
كتبه جوه المكتبة
كل خبطة باب بتجري الأم حاسه أنه جاي
كلنا ولادك يا أمي
دم ابنك هو دمي
والحكاية مانتهتش
تار ولادنا جاي جاي
تعليقات
إرسال تعليق