شعر عن اسم يارا
أجمل أسم : يارا وأعذب عمر : يارا
وأحلى الحكي : يارا
ومحبتي للناس ، والشعر والإحساس ، والله فدا : ( يارا )
ما بقى عقب عودك ناعمات كن بعضه لـ بعضه يشتكي !
اختصرتي جميع السيّدات ( يالجمال الأنيـق المملكي ) !
ماورى شوفتك غير الـممات افتحي باب صدري وارتكي !
خذتي الزين من كل البنات ما تركتي لهم غير : الحكي !
يارا ويبدى بالسما نـور بـراق
وتطفى بطاريهـا بقلبـى حرايـق
يارا وزهر الورد للورد ينسـاق
يـاوردةٍ تقتـل جميـع الحدايـق
يارا يا عطرٍ ما ورد كل الاسواق
سمي بنورة بـس والاسـم لايـق
يارا وشمس الشعر تبدى بالاشراق
وبحسنهـا فـن القصايـد وثايـق
أبديبهـا بالزيـن وألا بالاخـلاق
ياليتها فى جـوف قلبـى توايـق
يمشيلها قلبى قبل يمشـى السـاق
ولشوفهـا يسوقنـى دوم سـايـق
وشلون أفارقها وانا ميـت أفـراق
مأقوى مفارقها ولو هـى دقايـق
قولولها مشتاق أنا مـوت مشتـاق
الكون فى عينى من الحزن ضايق
حبل الوفا فى وصلها صار ميثاق
إلها بعيش العمـر مانـي ببايـق
أخفى دموعى لكن الدمـع حـراق
لا حل طاريهـا تبيـن الحقايـق
متشربٍ صدرى هواها بالاعمـاق
ولعطرها يأخذنـى القلـب تايـق
كتبتها بالاسم فى بيـض الاوراق
ولصدهـا كتبـت مانـى بطايـق
أقّبل حروف الاسامى ليـا ضـاق
صدرى ومنها يصبح الصدر رايق
يارا وباقى البيض بألفين طقـاق
فـدوة لعينيهـا جميـع الخلايـق
تعليقات
إرسال تعليق