كلمات أغنية ريفية
وصلي صلي، عا النبي صلي
واللي ما يصلي أبوه "أرملي"
وعريسنا زين الرجال
في البر كله ماله مثال
وصلي صلي على النبي صلي
واللي ما يصلي أمه يهودية
وأبوه "أرملي" (يعني أرمني)
أدحرج وأجري، يا رمان
وتعالى على حجري، يا رمان
أنا حجري حنين، يا رمان
ياخدك ويميل يا رمان
مرجانه
مرجان اتجوز مرجانه
شعرك سلب الجمان
والقورة دي هلال شعبان
وحواجبك خط الرحمن
وعيونك دي عيون غزلان
وخشم ( فمك) خاتم سليمان .
يا أم العروسة هاتى الحنة هاتى.. ولا انتى ناسية إن الحنة الليلة دى، يا أم العروسة هاتى الحنة قومى عروستنا قالت دا النهاردة يومى.. يا أم العروسة رشى الملح رشى.. وقولى لعروستنا معاكى الواد وقوشى.
يا منجد على المرتبة عروستنا حلوة مؤدبة.. يا منجد على المرتبة عروستنا حلوة ناعمة غريبة، يا منجد على المرتبة".
تعليقات
إرسال تعليق