اعلان

كلمات أغنية ماشى مدروخ ( مضروب بميت شومة في راسى ) محمد سلطان

 كلمات أغنية ماشى مدروخ ( مضروب بميت شومة في راسى ) محمد سلطان

يارب انا غير المدد والعون منش طالب

قويني علي دنيا البشر فيها بقوا عقارب

بيسموا أقرب ناس ليهم

حتي اللي ضفره لاحم فيهم

في الشق لو حطوا إيديهم 

يهدوا حيط سانده عليهم


انا اكتر واحد  ناسه أذوه ونكروا جميله

واما وقع ملقاش حد يادنيا يشيله

ناسي اللي مني

ناس مفتريه وراضعه جحود

بيتمنوا يوم يشوفوني واقع من طولي مهدود

جواهم قساوه ماليها حدود

ناس سمها خام بوشوش ألوان 


ناس في الأذيه بتتفنن

منهم شيطانهم متمكن   

مابيخشعوش ولا بيتوبوا

لو حتي سمعوني بأذن 


وياريتني ماعرفهمش وغرب

دول حته مني وأهل وقرب

رغم اني بزعل لزعلهم

مابيزعلوش لما ابقي في كرب 


قلوب بلاك سوده هبابه 

مافيهمش ولا مللي طيابه

في طبقي ياكلوا ويأذوني

ومكارين مكر ديابه 


باصينلي في الرزق بتاعي

حاسدني علي جري دراعي

لو شافوا خير جايلي بيجري

يبخوا فيه سم جماعي

 

انا اكتر واحد  ناسه أذوه ونكروا جميله

واما وقع ملقاش حد يادنيا يشيله

ناسي اللي مني

ناس مفتريه وراضعه جحود

بيتمنوا يوم يشوفوني واقع من طولي مهدود

جواهم قساوه ماليها حدود

ناس سمها خام بوشوش ألوان


وريني فيهم يوم ياكريم

واكشفلي كل خبيث ولئيم

وانصرني علي مين يعاديني

مش لاقي حد ضميره سليم 


مضروب ب ١٠٠ شومه ف راسي وماشي مدروخ

وقلبي من كتر ماموجوع  نفسه يصرخ 


اروح لمين ضاقت بيا

مش لاقي في الناس حنيه

من ليا غيرك ينصفني

علي خلق شرها كتفني 

ونفسها تشوفني ف غرقه

وتراب طيابتي تسففني 

...

عملت ١٠٠ ألف جميله

وشيلت في الشده الشيله

كل اللي قولت عليه مجدع

جدعنته طلعت تغفيله 


مين خد بأيدي وانا واقع

الكل ساب فيا مواجع

عملت كتفي ليهم سلم

ورموني م الدور السابع 


انا اكتر واحد  ناسه أذوه ونكروا جميله

واما وقع ملقاش حد يادنيا يشيله

ناسي اللي مني


مقالات ذات صلة

تعليقات