كيفية الحصول على شهادة معتمدة من autodesk
الاجابة هى :
أولا: شهادة حضور Attendance certificate
دي شهادة بياخدها أي حد يحضر دورة في مركز تدريب معتمد من أوتوديسك بشرط أنه يحضر على الاقل 80%من مدة الدورة، وعلى فكرة مش احنا بس المعتمدين من أوتوديسك، في مراكز كتير معتمدة، يعني اللي يقولك أنه المركز الوحيد المعتمد يبقى كذاب.
-----------------------
ثانيا: شهادة مستخدم معتمد Autodesk Certified user
ودي شهادة بياخدها أي حد يجتاز امتحان أونلاين اسمه Autodesk Certified user في اي مركز اختبارات معتمد، أغلب مراكز التدريب المعتمدة تعتبر مركز اختبارات معتمد، يعني برضه مش احنا بس، الامتحان ده يعتبر المستوى الأول من امتحانات أوتوديسك، الامتحان ده لا يؤهل لأي شيء، مجرد اثبات مستوى، أي حد يقولك انه نجح في الامتحان وبالتالي هو مدرب معتمد يبقى كذاب، الشهادة دي ملهاش أي علاقة بالمحاضر المعتمد.
-----------------------
ثالثاً: شهادة متخصص معتمد Autodesk Certified professional
ودي شهادة بياخدها أي حد يجتاز امتحان أونلاين اسمه Autodesk Certified professional في أي مركز اختبارات معتمد، أغلب مراكز التدريب المعتمدة تعتبر مركز اختبارات معتمد، يعني برضه مش احنا بس، الامتحان ده يعتبر المستوى الثاني من امتحانات أوتوديسك، مش لازم تمتحن Autodesk certified user عشان تمتحن Autodesk Certified professional، ممكن تمتحن Autodesk Certified professional على طول، الشهادة دي مطلوبة عشان تبدأ تبقى محاضر معتمد، لكن مش معنى أنك نجحت فيها أنك بقيت محاضر معتمد، هيا مجرد أحد المتطلبات، يعني أي حد يبقى معاه الشهادة دي و يقولك أنه كده محاضر معتمد يبقى مش فاهم.
تعليقات
إرسال تعليق