واحد صعيدى نكت مضحكة قصيرة مصرية
واحد صعيدي لقى كنز راح دفنه جمب نخلة وكتب عليها “مفيش هنا كنز”.. فعدى حمدان جمب النخلة وضحك ضحكة شريرة وقال أكيد هنا فيه كنز.. وحفر وطلعه… وبعدين شال اليافطة وكتب: “حمدان مخدش الكنز”.
واحد صعيدي شغال في السعودية بعت لأمه كيلو شوكولاتة فاتصلت عليه وقالتله الصابون اللي بعته بيوسخ الهدوم.
صعيدي ذكي ومراته طلبوا قهوة في كافيتيريا بيقولها: اشربي بسرعة… قالتله: ليه؟ … قالها: لأنك جاهلة وما بتعرفيش تقري، مكتوب قهوة ساخنة بـ 5 جنيه وقهوة باردة بـ 10 جنيه.
مرة واحد صعيدي سافر أمريكا كان معاه 5000 دولار كل ما يجي يحجز في فندق يلاقيه مليان.. نام في جنينه راح جاله واحد سرقه وحلقله شعره.. صحي لقى الفلوس أتسرقت قعد يقول يا لهوي بعدين بيحط إيده على راسه ما لقاش شعر قال الحمد لله مش أنا.
واحد صعيدي حب يموِت سمكة غرّقها في المية.
سألو صعيدي هتعمل إيه لو رشو كيماوي؟ قال هعمل نفسي نايم.
صعيدي واقف مع دودة في الشمس ليه؟ الطبيب قال له اقعد في الشمس دقائق معدودة.
واحد صعيدي بنى بيت من ثلاث أدوار عمل العمدان في الدور الثالث بيسألوه ما عملتش العمدان من الأرضي ليه قال أرمي فلوسي في الأرض.
صعيدي راح ماكدونالدز وقال لهم عندكم حلقات بصل؟ قالوا أيوه.. قالهم أدوني الحلقة الأخيرة.
واحد صعيدي بيقول لواحد تاني: عيني اليمين وجعاني قوي يا بوي وكل ما أفتحها أشوف نقط سودا.. قال له: طيب شفت دكتور عيون؟ قال له: يا بني آدم بقول لك شفت نقط سودا.
صعيدي من سوهاج سمع في النشرة إن فيه عاصفة جاية على سوهاج، كتب على مدخل المدينة: مرحبًا بك في أسيوط
صعيدي حب واحدة أتجوز أختها علشان يضمن يشوفها كل يوم.
صعيدي بيقول لصاحبه بالي مشغول من إمبارح يا هريدي قاله أكيد حد رافع السماعة.
مرة واحد صعيدي كان عايز يسافر فرنسا ومش بيتكلم فرنساوي راح لصاحبه وقال له أنا عايز أسافر فرنسا أتكلم فرنساوي إزاي؟ صاحبه قاله الفرنسية سهلة جدًا كل ما تقول كلمه ضِيف عليها (و) الصعيدي راح فرنسا ودخل مطعم وقال للجرسون أريدو واحدو رزو وواحدو لحمو فقال الجارسون (باردو) فقال له الصعيدى لأ (سخنو.)
تعليقات
إرسال تعليق