نكت عيد الحب

 نكت عيد الحب

في عيد الفالنتاين (الحب) دخلت وحدة على مكتبة... وسألت البياع : عندك كرت مكتوب عليه يا حبي الوحيد ؟... قلها:أيوه... قالت: أعطيني 18 كرت

مرة واحد ماشي مع خطيبته وآخر انسجام فقالها : عارفة إيه هو الحب وإيه الجواز؟ قالته : لا . قالها: الحب زى النجوم الجميلة اللي في السماء. قالتله : طب والجواز؟ قالها: دى البلاعة اللي واحنا بنبص على النجوم بنقع فيها.

مرة دكتور دخل عنبر في سراية المجانين لقى واحد بيخبط دماغه في الحيطة سأل الممرضة ماله ده؟ قالت أصله كان بيحب واحدة ومتجوزهاش دخل العنبر اللي بعده لقى واحد بيضرب نفسه بالشبشب قالها وده ماله قالت ما هو دا اللي اتجوزها.

الزوجة: إيه الورقة اللي في جيب بدلتك ومكتوب عليها سوسو؟ الزوج: يا بنت الحلال، ده اسم الحصان اللى بنشجعه في السباق الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه!! الزوج: خير يا بنت الحلال في إيه تاني؟؟ الزوجة: "حصانك على التليفون".

واحد متجوز وقاعد في البيت وبيبص كتير في عقد الزواج مراته قالت له: بتبص في عقد الزواج ليه يا حبيبي؟ قالها: عمال بدور على ام تاريخ إنتهاء العقد موش لاقيه.