قصيدة على الهون ياجرح المفارق وضيق البال مكتوبة
على الهون ياجرح المفارق وضيق البال
ـــــــــــــــــــ على الهـون ياهـم سطابـي وقدرتـه
اعزك لو انك جـرح ومجاهـدك قتـال
ـــــــــــــــــــ وروضت جسمي لاجل سقمك وصبرتـه
لاجل من ملك قلبي من الجال لين الجال
ـــــــــــــــــــ وفجيت له بابٍ عـن النـاس سكرتـه
وحطيت له عن شمس قيظ الغرام اظلال
ـــــــــــــــــــ وشيـدت لـه بيـت بقلبـي وعمرتـه
عشقتـه ودللتـه وجريـت لـه مـوال
ـــــــــــــــــــ وتخيـرت قربـه ليتنـي ماتخيـرتـه
رعى ريف قلبي لين صارالحشا مدهـال
ـــــــــــــــــــ وعن مدهلـه جنبـت غيـره وذيرتـه
سقيته من عـدود الغـلا والغـرام زلال
ـــــــــــــــــــ بعد ماجـذب مـن دم قلبـي وصدرتـه
اداري عليه من الزعل وازعـل العـذال
ـــــــــــــــــــ وخطاه ان كبر في عين غيري تصاغرته
ترافقت انا وياه من يـوم كنـا اطفـال
ـــــــــــــــــــ تكـون غـلاه بوسـط قلبـي وكبرتـه
قبل مايغطـي ليلـه المنتثـر بالشـال
ـــــــــــــــــــ سرقت الكرى من نون عينـه وسهرتـه
نقش كل حرفٍ من حروفي على السلسال
ـــــــــــــــــــ تباهى بهـا واغـاظ نـاسٍ مجاكرتـه
وكتبت القصايد في عيونه على اليامـال
ـــــــــــــــــــ وليامرنـي صـوت النواخـذ تذكرتـه
تكاثر علي الله يجازيـه كيـف الحـال
ـــــــــــــــــــ وانا يوم اسوق العمـر لـه ماتكاثرتـه
وبعد كل هالتقديـر والحـب والاجـلال
ـــــــــــــــــــ تغيـر وهقـواتـه علـيـه مغيـرتـه
لبسته ثياب الغطرسه لين جـا يختـال
ـــــــــــــــــــ وكبر في عيونه يوم الاوهـام غررتـه
واذا السالفة ضحك ومهازل ولعب اطفال
ـــــــــــــــــــ خبطت الغصن لين ابرق الريش طيرتـه
خلصنـا وقفلنـا الصناديـق بالاقفـال
ـــــــــــــــــــ ومن جور حكمه كامل القلـب حررتـه
تعليقات
إرسال تعليق