ايه الاكلات اللى بتليق مع بعضها البعض
تعالى اعرفي ايه الاكلات اللى بتليق مع بعضها
ايه يليق علي ايه
سؤال كلنا بنقعد نفكر فيه ايه الاكل الى بيليق مع بعضه
عشااااااااااان كده انا عملت الموضوع ده لو عجبكم قيمو
البط بيتعمل معاه ايه ...... الحمام جنبه رز ولا فريك ...... اعمل مكرونة مع الفراخ ولا رز ...... اى نوع خضار مناسب للرز ....... امتى اعمل رز بشعرية ...............احط توم فى اى اكل ........... البصل بحبه احطه على طول ........... ايه السلطة المناسبة للمشاوى ........... ايه افضل مقبلات للسى فود ............... اعمل مع السمك رز ولا مكرونة ........... المحشي ايه الصنف الجانبي معاه ........... الكشري يتقدم معاه ايه .......... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اولا اللحوم
-----------
الفراخ : بتليق جدا مع الارز و المكرونة و المكرونة اكتر- البطاطس المحمرة – خضار سوتيه
الفراخ البانيه : طبعا المكرونة – بطاطس محمرة
شاورمة الفراخ : بطعا مع الرز او العيش – طحينة و سلطة خضرا
اللحمة : مع الرز ممتازة و اى خضار احمر
اللحمة بالخضار : مع الارز
البوفتيك : يليق مع المكرونة – بطاطس محمرة – سلطه
الاسماك : بتليق مع الرز و العيش – جرجير و سلطات
السى فود : مع المكرونة بتكون ممتازة – شوربة سى فود
الحمام : يليق مع الرز و الفريك سواء حشو او جنبه " ع فكرة الحمام بالرز احلى "
البط : الرز بالمكسرات أو جنب صينية مكرونة فرن على شوربته – صينية البطاطس التمام
الارانب : رز – رز بالشعرية – ملوخية
السمان : الرز و الخضار الاحمر
سمبوسك اللحمة : محشى ورق العنب - الطيحنة – التوميه - خضار اخضر
الكفته : الرز – خضار احمر
كفته بالصلصة : رز او مكرونة
الكوارع : رز - فته - شوربة
انواع المكرونات المناسبة لاكلات معينة :
--------------------------------------
البشاميل : بالاقلام " البينة "
الكشرى : المكرونة المقصوصة " الخواتم الكبيرة او الصغيرة – المكرونة الملويه – سباجيتى و مقصوصة ع بعض
السى فود – مكرونة اسباجيتى
النجريسكو : الاقلام – الشريطه
المحشى : يكون جبنه سلطه - فراخ محمرة او محشيه بالفريك او فراخ بانيه او لحمة محمرة
اللحمة الضانى : الباميه – البطاطس
اللحمة البتلو : اكل لا يعتمد على الشوربة لان شوربتها ضعيفة
كباب الحلة : بطاطس و خضروات مشكلة
الشوربة :
--------
اللسان عصفور جنب الاكلات اللى فيها رز – المكرونة لا
الرز بالشعرية : جنب اى خضار و ممكن فى الفته و ممكن فى الكشري
الكبدة : مكروووونة
السجق : المكرونة و العيش و الرقاق الطري
القرنبيط المقلى : جنبه بتنجان مخلل – بطاطس مهروسة او محمرة – مخلل – سلطة خضرا ء
القرنبيط بدمعة و المسقعة : يكون جنبهم سلطه خضرا خفيفة وارز ابيض
الدقة بالخل و التوم : مع الفته المصري - ورق العنب المصري – الكشرى المصري – الكشرى الاسكندرانى – الملوخية
الملوخية : رز – فراخ محمرة ...رغم انى بحبها بالمكرونة جدا بس اراء
الليمون فى الاكل : مع الباميه – ورق العنب – الكوارع – الاسماك – الطحينة – السلطات
تتبيلة السمك : ليمون – خل – فلفل اخضر – ثووم هى نفسها
للبتنجان المقلى و المخلل
البصل فى الخضار مع : الخضروات الحمرا كلها – رز السمك
الثوم : مع الباميه و الدقات – تتبيل اللحمة – الطحينة - الاسماك كلها
السلطات المناسبة للاكلات :
--------------------------
المشاوى : سلطة خضرا – طحينة - طرشى
الكبدة : طرشى - اوطة بالكمون
السى فود و الاسماك : البطاطس بالثوم – سلطة الكافيار – طحينة بالليمون – بابا غنوج
السلطات الغربي : الروسي " بطاطس و بسلة و جزر بالمايونيز " مع المشويات
سلطة الخيار بالزبادى مع ورق العنب و المشاوى
الثومية : المشاوى
: سلطة البنجر مع المشاوى
سلطة الكلوسلو مع المشاوى خصوصا السندوتشات
الموزة و الاوزى : يفضل معاهم رز او فته و شوربة و بتنجان مخلل
البتنجان المخلل اكله تقيلة تفضل تتاعمل معامله الطبق الجانبي و ليس السلطة
يوجد طريقيتين للباذنجان
" مسلوق و بعدين نضيف الخلطة " مقلى و بعدين نضيف الخلطه "
الفول بيليق معاه ايه :
البيض مقلى و مسلوق - السجق و السوسيس – الليمون – الكمون – الثوم و الصلصة- الطحينة
تعليقات
إرسال تعليق