اقولك ايه عن الشوق كلمات
أقولّك إيه عن الشوق هي أغنية باللهجة المصرية ألفها عبد الفتاح مصطفى، ولحنها رياض السنباطي، وغنتها أم كلثوم عام 1965.
أقولك ايه عن الشوق يا حبيبي
أقولك ايه ومين غيرك داري بي
ليالي في هواك اسهر وافكر
ومهما قلت لك في القلب اكتر
شوية ان اقول لك حبيبي
ياريت فيه كلمة اكتر من حبيبي
اقولك ايه وايه يوصف هوايا
وانا ف قلبي كلام مالوش نهايه
دي أجمل كلمة في الدنيا حبيبي
بقولها لك وبرضه مش كفاية
ماقولش مناي كان حبك
ده أكثر من اللي بتمناه
وم الفرحة وانا جنبك
باعيش في كل لحظة حياة
وقلبي نعيمة ف قربك
وأنت فرحته ودنياه
واقول لك ايه شوية اني اقولك يا حبيبي
يا ريت فيه كلمة أكثر من حبيبي
هواك هو اللي خلا العمر غالي
وبالثانية أحسبه مش بالليالي
وأخاف أسرح تفوتني لمحه منك
وم الدنيا اللي أجمل من خيالي
هواك نسى الزمان طبعه
وخذ منه الأمان لينا
وداري عننا دمعه
وخلاه ما دري بينا
ونور للأمل شمعة
وطمن بيه ليالينا
واقول لك ايه شويه اني اقول لك يا حبيبي
يا ريت فيه كلمة اكتر من حبيبي
وعودك في الخيال غالية عليّ
وأجمل من حقيقة بين ايديّ
واصدق كل كلمة قلتهالي
واكذب في هواك ظني وعينيّ
يا ريت في كلمة أوصف بها حبك
واقولها لك ما بين قلبي وقلبك
ما يقدرش الكلام يوصف غرامي
ولا أشواقي في بعدك وقربك
واقولك إيه
تعليقات
إرسال تعليق