قصائد بندر بن سرور: شاعر النبط الذي لامس القلوب
بندر بن سرور، الشاعر النبطي السعودي الذي ترك بصمة عميقة في الشعر الشعبي، يتميز شعره بعمق المعاني، وسهولة الحفظ، وقوة الأثر في النفوس. يعتبر من أبرز شعراء النبط في عصره، وقد لقب بـ"متنبي الشعر الشعبي".
ما يميز شعر بندر بن سرور:
الواقعية: تناول في شعره الواقع المعاش بكل تفاصيله، من الحب والحياة إلى الفراق والألم.
البساطة: استخدم لغة بسيطة وواضحة، قريبة من لغة الناس، مما جعل شعره يتردد على الألسنة بسهولة.
العاطفة: تجلى في شعره عمق العاطفة الإنسانية، وحبه للبادية والبدو.
الحكمة: تضمن شعره العديد من الحكم والأمثال التي تعكس حكمة الحياة وتجارب الشاعر.
مواضيع شعر بندر بن سرور:
الحب والفراق: غنى بن سرور عن الحب والفراق بأسلوب شوقي مؤثر، وصور مشاعره بصدق وشفافية.
الوصف: وصف بدقة جمال الطبيعة، وخاصة جمال البادية، وأشاد بجمال المرأة البدوية.
الفخر والعزة: عبّر عن فخره بنفسه وقبيلته، وأشاد بقيم الشجاعة والكرم.
الحياة والمعيشة: تناول جوانب مختلفة من الحياة البدوية، من رعي الإبل إلى التجمعات القبلية.
أمثلة على قصائد بندر بن سرور:
قصائد الغزل: غالبًا ما يبدأ قصائده بوصف محبوبته، ثم ينتقل إلى التعبير عن شوقه وحبه لها.
قصائد الفخر: يفتخر بنسبه وقبيلته، ويصف صفات الفرسان والشجعان.
قصائد الوصف: يصف جمال الطبيعة، وخاصة جمال الصحراء والنجوم.
قصيدة إلا وا وجدوي
إلا وا وجودي وجد من صك دونه باب .. . بقفل أعجمي مغلقات مساميره
عَدَو به على اللي كنه النسر بالمرقاب … على الجمس الأصفر كاملات شراشيره
معه فرت خمسة طن يأخذ مية ركاب .. . من المال عيّن ينقلنّه تغاييره
دخل هو و حِمله للحكومة بغير حساب .. . و راعيه عشر سنين و يعاد تقريره
على اللي كواني كيّة العظم بالمشهاب … على أقصى عراوِ القلب محمي مناشيره
عشيري ورا الكوده وأنا من ورا مشعاب … بعيد قريب تعيب يا هون تيسيره
ولا يوصله كود ” فرت ” عليه اسطاب .. . ليا حاسب السوّاق تقدح مواخيره
صنايع بياطير الكفر لابسين الكاب .. . عصاة اليهود اللي مشاريبها البيرة
ألا يا نديبي فوق فرتٍ ورد من شرق … على راس قيره للعليمي تعاشيقه
من الوارد اللي جمركه عند راعي عرق … على المطرق مجبور ياخذ قماريقه
قصيدة قلت والله
قلت والله يرحمونه صانعينه . .. قد زعلت من اللهيب اللي حداني
قال ما ناثق بمن هم متقنينه … عن مشاور غير عرفي قد كفاني
قاطع عرقين مادري وين وينه … قد وصلت الأرض و اسمع صوت ثاني
قلت دوك اللف خابوا شاربينه … غطّني عن شوف شي ما خفاني
راكب اللي مخ رجليه خنزير و هوا . .. أشهب في مقدمه باقين و عكس تاج
متر في مترين مستبرم كله سوا .. . حايفه حطاب ما سمكره راعي الكراج
إن نعشته بالثلاثة مع اللفة عوا .. . عوي ذيب محتدينه مربية النعاج
ثابت ما يختلف كلما لف إنزوا .. . و ارتفع ثم ارتخى مثل طايرة المراج
كن ضرب المرو في الويل قدام و ورا . .. ضرب هملول البرد و ان تقفاه العجاج
منوة اللي مشفقن لهله و لهم نوا . .. من بعد طول المسافة يبي فلّة الحجاج
قصيدة أنا
أنا الذي ما ابدي على الناس سرّي .. . من خوف سودان الوجيه تحكي به
أصبر على ظيم الدهر و التعرّي .. . من شان من يرضى عليّ الغليبة
و ابعد مجالي عن عيال التزرّي . .. من لا هوى قلبي دواه المغيبة
وأخاف لي من مجلسٍ ما يذرّي … في جانبه بومٍ حساسه صليبه
و سوالفٍ مابين بحث و تحرّي .. . يجرح فؤادي عيّه و ابتلي به
يرضيني المقسوم خيري و شري . .. سبحان من لا تعلم الناس غيبه
أحدٍ على ربعه يحب التحري . .. للشر بلاس و خيره بجيبه
هذاك يالربع انا منه متبرّي .. . لو عضّني ناب الدهر ما انتخي به
من خوف يضحك لي و هو يستغرّي … يفتل حبال السّوْ ما يندري به
يفرح عليّ بكل شيٍّ يمرّي .. . و ان شاف يمّي خير عنّي نهيبه
قصيدة المناجاة
يالله يا جال الأمور المهمة . . تجلى وهق قلب برى حال راعيه
البر دجته و البحر رحت يمّه . .. أدرج سبب حظ على الله مساعيه
يوم إن ولد اللاش رزقه على أمه … رزقي على اللي ميّت القشع يحييه
ماني وانا بندر ببياع دمه . .. يقطعك يا بيّاع دمّه و مهفيه
اللي يبيّع لابسات الأزمه .. . ثور يبي بيض العماهيج تغنيه
يزعل ليا جت ليلة الدول يمّه … يرضى بسوق المال بأخيه و أبيه
خطو البخيل اللي يكبّر معمه … يقرا الكتاب و واجب الله مخليه
أما هرج له في رفيقه بنمّه .. . وإلا عطا و أمه تضيّع هقاويه
يا مل قلب كل ما مات همّه . … دارت دواليب الدهر لين تحييه
فرّاق شمل الناس عيّا يلمه .. . وقتن يشيب الراس من شاية فيه
أحدن ينام و حط راسه بكمه . .. و أحد تخم النوم عينه و تخطيه
و أحدن يحاول بالردى بنت عمه … و أحدن يحاول ستر عذرا عوانيه
تخالف الأنظار شرقن و يمّه .. . كلٍ هدف رايه من الناس مرضيه
أنشدك ياللي كل شي تتمه .. تقرا الكتاب كل فرض تصليّه
ويش القليب اللي عميق مجمّه … ما سرّ غرسه ماه عطشى سوانيه
سم السبب يا عارفن عنه سمه .. . سم السبب يا عارفه قبل اسميه
والله يا لا لا كلمة قيل ذلّيت .. . لاترك مقاصى اللاش نقص و مهونة
لا شك ضرّاب المثل به تقدّيت …. من حرّك المجنون ناطح جنونه
قصيدة يوصي فيها رشيد
يا رشيد يوم أتعبتني بالتناشيد .. . خذ لك من الدرويش زبدة قصيده
ليا عبدت الله ولا أشركت تعبيد .. . ترى محمد صفوة الخلق سيده
و ترى أبرك الحاجات يوم صدف عيد … جمعة اسبوع و صادفت يوم عيده
و اذكر لك الاجواد صد و صواميد .. . و انذال لا صدت ولا من صميده
و اذكر لك اقشر ما على السيد و البيد … اللي طمع بنت القصير الحديده
فضح قصيره عنده انه كسب فيد .. . سولف بها للناس خطو البليدة
سولف بجرحٍ ما لجرحه تضاميد .. . زوّد لجرحه جرح ينزف صديده
ليا وطاك اللي وطاني تراديد .. . رد السؤال ولا تخبر بريده
اضرب ثلاث بعشر و اجمع تفاريد . .. و فرق على العشر القليد بقليده
واللي بقى لو تفرقه للمواديد . .. كم تفرقه بين الوديد و وديده
أنا الذي قد مرني سلك تجنيد . .. خدمت به سنين عديده
مرحول هم و كل شي له أجيد . . اجيد زين و شين و الهم اصيده
اسمع صرير القلب بين الجواريد . .. حدّنه الاضلاع و اسمع صريده
صرير فرخ حده أقطم صواريد .. . أول طرد قرناس ثاني حريده
هذا و انا شفت الوزا و التزاهيد .. . لا أقول حي ولا تحت قبر ريده
والله ما أهني قاضي العمر ترغيد … ابن اللئيم اللي حياته رغيده
أهنّي القلب الخطا بالمراقيد .. و ضب الخلا لو يأكل رديده
ما يطلع القرناس من عش بطّه .. . و الجبو ما يحيي النوامي شفيطه
ليا صار من ربعك اقيشر و نِطّة .. هزّ المحالة لين يفرط شريطه
تراه ما ينفع عساها تلطّه . .. خيال دجل و مثل عنزٍ ربيطة
تعليقات
إرسال تعليق