الشرح: البروفين والدولفين والكتافلاي المواد الفعاله الخاصة بيهم من نفس المجموعة والتلاته بيتم إخراجهم عن طريق الكلى واستخدامهم مع بعض بياثر على الكلى على المدى البعيد وعلشان نبقى عارفين إن أول اسباب الفشل الكلوي المزمن في مصر للاسف من استخدام المسكنات وفي نفس الوقت استخدامهم مع بعض مش هيزود تأثيرهم كخافض للحرارة.
فلو حصل حاجه زي دي المفروض نستخدم حاجه واحده
فيه ناس كتير متعرفش المعلومه دي للاسف وبنرجع نندم بعدين
طب يا دكتور ما هو بيسخن تاني بعد 3 ساعات من البروفين أو الكتافلاي ..
فى الحالة دى الحل هو....
إننا نستخدم السيتال أو البارامول بالتبادل مع البروفين أو الكتافلاي...
لأن مادة الباراسيتامول أمان للأطفال بعد أربع ساعات من إعطاء البروفين لو السخونية شديدة
وطبعا مع دش للطفل وكمادات مستمرة خاصة قبل العلاج وتهوية المكان جيدا ...
يعني كده سيتال و بروفين ينفعوا ؟؟
ايوه
لكن مممنووووع دولفين وبروفين. ..
أو بروفين وكتافلاي أو كتافلاي ودولفين
-الكتافلاي مينفعش أبدا للأطفال أقل من سنة"
- دولفين لبوس
يحتوى على نفس المادة الفعالة اللى موجودة فى الكتافلاي
ومنه تركيزين ١٢.٥ وإستخدامه بداية من عمر سنة حتى ٥ سنوات
و تركيز ٢٥ يبدأ إستخدامه أكبر من ٥ سنوات
- بروفين شراب
يعطي للاطفال من عمر ٣ شهور
- طيب السؤال الأهم...
ندي ايه للطفل اللى أقل من ٣ شهور وجسمه مولع نار؟
توديه للطبيب لأن الأطفال متتحملش درجات الحرارة العالية دى وممكن يعملهم مشكلة
و لكن....
أكثر الأدوية أمانا للرضع هو مادة الباراسيتامول
اللى هو متوفر فى سيتال نقط أو لبوس
دا بالإضافة للكماداااااااات
نصائح الدكتور حسام موافى
- دمتم بخير
تعليقات
إرسال تعليق