نكت سياسية مصرية بعد الثورة

نكت سياسية مصرية بعد الثورة

يعنى إيه كوكاكولا زيرو: ** يعنى مصر تعمل مظاهرات والجزائر تلغى قانون الطوارىء. ** يعنى العساكر والظباط تأخد أجازة نص السنة وإحنا نوقف خدمة طول الليل. **يعنى إحنا نعمل ثورة والمساجين هما إللى يتحرروا.

تصريحات رموز نظام مبارك على حرق المواطنين لأنفسهم:

أحمد عز: حل مشكلة حرق الناس لأنفسهم زيادة أسعار البنزين

بطرس غالى: فرض ضرائب جديدة على أسرة كل شخص يحرق نفسه بالبنزين

وزير البيئة: حرق المواطنين لأنفسهم هو سبب السحابة السوداء

وزيرة العمل: حرق المواطنين لأنفسهم يوفر فرصة عمل جديدة للشباب ليعملوا كرجال إطفاء

أحمد نظيف: الشعب لا يعرف مصلحته والدليل سوء استخدامه للمنتجات البترولية

رشيد محمد رشيد: استيراد المزيد من البترول بعد ارتفاع استهلاكه فى حرق الناس لأنفسهم

صفوت الشريف: مصر أكبر من كل عمليات الابتزاز السياسى.. ومشعلوا النيران عديمو المسئولية

حبيب العادلى: لا يجوز لأكثر من ثلاثة مواطنين حرق أنفسهم فى الأماكن العامة

فتحى سرور: على الموافقين على إصدار قانون لتجريم حرق المواطنين لأنفسهم رفع يده

أحمد أبو الغيط: إحراق المواطنين لأنفسهم شأن داخلى وكل مواطن مصرى حر فى إشعال النيران بنفسه

بيقولك مبارك قال لنظيف عاوز آخد رأيك فى حاجة قاله:  أمرك يا ريس .. الريس: أنا الأفضل ولا عبدالناصر؟.. نظيف: انت طبعًا يا ريس.. جمال مين اللى كان بيخاف من الروس.. طيب أنا الأفضل ولا السادات؟.. نظيف: انت طبعا يا ريس.. سادات مين يا ريس اللى كان بيخاف من الأمريكان .. طيب أنا الأفضل ولا عمر بن الخطاب؟ .. انت طبعا يا ريس.. عمر بن الخطاب كان بيخاف من ربنا.. انت لأ..

بيقولك مبارك لما كان فى سرير المرض قال لنظيف: وصيتك الحكم من بعدى يا نظيف .. فى رقبتى يا ريس.. كله تمام والسلطة هياخدها جمال .. (ثم راح فى غيبوبة.. أفاق منها بعد قليل) وصيتك الشعب من بعدى يا نظيف ما تخافش يا ريس .. الشعب ياكل الزلط ... (ثم راح فى غيبوبة.. أفاق منها بعد قليل ) نظيف نعم يا ريس ماتنساش.. توكيل الزلط لعلاء....

واحد لقى مصباح علاء الدين ودعكه.. فطلع الجني وقاله انت تطلب إيه؟ قاله: تطلع أمريكا من العراق.. الجني: بس أنا مليش دعوة بالسياسة.. قال: طيب أنا خريج 1999 وعايز شغل.. الجني: تحب اطلع أمريكا من العراق إمتى؟..

مبارك جمع شيخ الأزهر والبابا شنودة، وقالهم أنا جمعتكم النهارده علشان أقولكم إن ابنى جمال هيبقى رئيس مصر سنة 2010.. قام البابا شنودة، وقال اللهم صل ع النبى.. شيخ الأزهر قاله: انت كده أسلمت يا شنودة؟ شنودة قاله: ما هى حاجة تخلى الواحد يطلع عن دينه.

واحد بيقول لمبارك: يا ريس أنا بعت قيراط الأرض اللي حيلتي علشان أوظف الواد ومتوظفش.. مبارك قاله: أنا بعت مصر كلها علشان أوظف جمال ومتوظفش.

واحد بيقول للتانى هو صحيح الرئيس مرسى كان مسجون فى قضيه تجسس وممنوع من السفر.. رد عليه التانى وقالوا: أيوا بس مش عارف أخد براءة ولا إعفا.