نكت صعايدة محششين مصرية

نكت صعايدة محششين مصرية

واحد من بلدياتنا اشترى مراية..الصبح مراته بصت فيها و فضلت تعيطراحت للعمدة و قالتله يا عمدة جوزي اتجوز علي.فقال لها العمدة تعالي نروح .. نتأكد.فراح و بص في المراية و قال ده جاب عمدة تاني كمان.

واحد صعيدى بيقول لصاحبه شوف العالم الهطله يدفعوا 25 مليون علشان بن لادن أمال لو كان بن محوج كانوا عملوا إيه.

مره صعيدي راح القاهره يشتغل وبعدين خلصت فلوسه وعايز ياكل شاف مطعم كبير وناس داخل وناس طالعه وبعدين دخل واكل والجرسون قاله الحساب 55 جنيه ,,,, الصعيدي قاله عليه الطلاق افتكرو فرح

واحد صعيدي وقع من الدور العاشر شنبه اتجزع

اتنين صعايدة بيلعبوا شطرنج, الأول كل للتاني الحصان, التاني سمله البهايم

بلدياتنا فتح محل انابيب غاز فجّر اسطوانتين فى وسط البلد دعاية

واحد راح جنينة الحيوانات حط دماغه جوة قفص الأسد .. الحارس قاله ايه ده يا مجنون .. قاله خلاص ياعم احنا حناكله

واحد بلدياتنا راح يتمشى جابوه من على الحدود

مرة واحد بلدياتنا عرف ان الجلد موضة مشى عريان

واحد صعيدي بيقول لواحد ثاني: عيني اليمين واجعاني قوي يابوي وكل ماافتحها أشوف نقط سودا قال له: طيب شفت دكتور عيون ؟ قال له: يا بني آدم باقول لك شفت نقط سودا

مره واحد صعيدي وواحد امريكي وواحد ياباني تايهين في الصحراء بقالهم ثلاثة ايام وفجأة ظهرلهم الجني وقال كل واحد فيكم ليه طلب واحد بس الامريكي قال عايز اروح بلدي ونفذله الجني طلبه الياباني قال عايز اروح بلدي ونفذله الجني طلبه راح الصعيدي قاله واه هما سبوني لوحدي هاتهم لي تاني.

واحد صعيدى جاب عربيه بى ام دبليو طبعا العربيه فيها كومبيوتر اى حاجة تحصل فى العربيه الكمبيوتر بيصلحها الصعيدى قالك انا لازم اجرب الكمبيوتر دة راح على الباب الشمال وكسره. راح الكمبيوتر قال \يا ايها الباب ارجع كما كنت فرجع الباب سليم الصعيدى راح كسر الباب اللى على اليمين.الكمبيوتر قال\يا ايها الباب ارجع كما كنت فر…جع الباب سليم. الصعيدى استحلاها طلع فوق الكوبرى ونط بالعربيه من فوق الكوبرى .الكمبيوتر قال\يا ايتها النفس المطمئنه ارجعى الى ربك راضيه مرضيه