امثال شعبية تونسية 18- أمثال تونسية قبيحة
ابعد ع الشر و غنيلو.
ابك على البقره أمّ الثّور حرّاث.
اتفكّرْ الكلبْ حضرلو عظم. او منصبة
اتعدّ على واد هرهار و ما تتعدّاش على واد ساكن .
اجْبِدْ ما تْرُدْ اِلجّْبالْ تتْهدْ.
احسب بقرك بعد التّلبّيبه.
أحفظ و اتركْ.
أحنا اثنين و الثالث منين ؟.
أحييني اليومْ و اقتلني غدوه.
اخدِمْ بْناصْري و حاسِبْ البطّال
اخدم يا تاعس ع الرّاقد الناعس.
اخذيتلو ظلّو و هواه و قعد بصّو و فساه.
اخزر للوجوه و فرّق اللحم.
أَخْْطَا رَاسِي وَ اُضْرََبْْ.
اخطب لبنتك و ما تخطبش لولدك
اخطب لبنتك و ما تخطبشي لولدك.
اُخْ هَاذِي مَارڤه ْ
أدّ الفرض و انقب الأرض
إذا تحب تعلّم ولدك الكلام حطّو صانع حجّام.
إذا تقصدْ اقصدْ دارْ كبيره ، إذا ما تتعشّى تباتْ ف الدّفاء.
إذا جات تجيبها سبيبة و إذا مشات تقطّعْ السلاسل.
إذا حبك الهلال بكمالو آش يهمك في النّجوم إذا مالو
إذا حضر الماء بطل التيمّم.
إذا حمارت العشيه حضّر بهيمك و العصيّه و إذا حمار الصّباح حط بهيمك و
إذا خلاّووك امّالي العرس كول بيديك بلاش غسيل.
إذا الخو ينفع خوه ما يبكي حد على بوه. الإخوة
إذا دام الحال يا مسعود لا تبقى ناقة و لا عود .
إِذَا رَادْلِكْ رَبِّي ( أو الله) بِالشْفَاء يُعْرْضِكْ الطّّْبيبْْْ فِي الثّْْنِية.
أو إذا مقدّرلك ربّي بالشّفاء يُعْرْضِكْ الطّّْبيبْْْ فِي الثّْْنِية.
إذا ريت ثنين متعاشرين راهو الحمل على واحد منهم.
إِذَا فَاتِكْ اُلطّْعَامْ قُولْ شْبَعْتْ وْ إذَا فَاتِكْ اُلْكْلاَمْ قُولْ سْمَعْتْ.
إذا عز الصوف تتجز الكلاب.
إذا عصيتم فاستتروا
إذا عملو في صغرو شانو و إذا عملو في كبرو خانو.
إذا لقيت الزّهو و الطّرب لا تبدّلو لا بشقا و لا بتعب.
إذا لم تستح فافعلْ ما شئت .
إذا كانْ البومة فيها خير ما تخلَّفْها الصيَّادهْ الصيّاده
إذا كان خصيمكْ الحاكم آش كونْ باشْ تخاصمْ.
إذا كان صاحبك عسل ما تاكلوش( أو ما تلحْسوشْ) لْكُلْ.
إذا كان راس القرطلّه مخماج ....
أزيد منك بليله أكثر منك بحيله.
اسئلْ على دينكْ حتّى يْقولوا مهبولْ.
اسئل مجرب و ما تسألش طبيب
اسئل على صاحبك استغناش أما الطبيعه هي هي
استر ما ستر الله
اسْتنّى يا دجاجهْ حتّى يجيكْ القمح من باجه.
اسرق و صدّق و حسنتو ترجع لمّاليه.
اسقط تلقط.
الاسم ع الاسم و ربي يجيب القسم
اسمع فلان و راجل أمّي يجيبه.
اسمع الكلام إلّي يبكّيك و ما تسمعش كلام إلّي يضحك عليك.
اسمع و فلّت.
الاسم العالي و المربط الخالي
اسمو على جسمو.
آشْ قالّك و آش قال عليك .
آش قال الرّاجل ؟
آشْ مجبِّدْ طُزْ لْشَرِّقْ
يقال في الإعلان عن تناقض المتكلم و خلطه في الكلام.
آشْ كونْ شكّارْ لعروسهْ أمّها و إلاّ خالتها و إلاّ واحد من دويلتها.
آش مدخّلك بين الظفر و اللحم
آشْ يخرّجْ العروسهْ من دارْ بوها.
اشْ يَا ذِبَّانََهْ مَا فَمَّهْ فََي اُُلدِّنيَا كََانْْ آنََا
آش يطلع منّو ها الوحيّد
آش يقول الميت قدّام غاسلو .
آشْ يشبّع الجملْ م التفافْ
أصحّ من موثـڤ في النخّاله
اضحك للدّنيا تضحك لك.
أضرب راسك ع الحيط.
اضرب الحديد ما دامو سخون.
أضربْ القطّوسه تخاف لعروسه
أطعم الفم تستحي العين.
الاعتراف بالذّنب فضيلة.
اعقلها و توكّلْ.
أعطاووه الكراع مد يدّو للذّراع.
اعط بنتك بعيده و اعط سانيتك قريبه.
أعطني قرطلّتي ما حاجتي بعنب!
عمل بالنيه و ارقد في الثنيه.
اعمل الخير في أهلو و في غير أهلو حتّى تلقى أهلو.
اعمل روحك مهبول تعيش.
اعمل كي جارك و إلا حوِّل باب دارك .
أعمل كيما نقلك و ما تعملش كيما نعمل أنا .
اعمل يا خصيب تصيب كان ما طلع في الزبده يطلع في الحليب
اعمل يا جدّي و الذريه تدّي
أعوذ بالله من كلمة أنا
افّادي قبل ولادي.
افرش تلق ما تتغطى.
الاقتصاد نصف المعيشه.
الأقربون أولى بالمعروف
اقلب الطنجرة على فمها تطلع الطفله لأمها
أقل الديار تفني لعمار
أكبرمنك بليله أزيد منك بحيله .
إلّي أصلو طيّبْ باقي المعروف .
إلي أمن الرجال كيف إلي أمن الماء في الغربال
إلّي ادّاتو ساقيه العصا ليه.
إلِّّي بُرْجُو بِالْمْْرَمَّه يْمُوتْ فِي سْطَلْ بَغْلِي.
إلّي برجو بالفحم يعيش بين الكوانن.
إلي بزق بزقه ما يلعقهاش .
إلي باش يموت في السته ما يوصلشي للستين
إلي باعك بالفول بيعو بالقشور.معاملته
إلّي بلك يرشّنا.
إلي بيه سكره بيه صباط
إلّي تحب تنكيه اسكت عليه
إلّي تخدمو طيعو و الّي ترهنو بيعو.
إلي تراه راكب على قصبة قلو مبروك الحصان
بعبوص الكلب إلّي يقطع بيك الواد ما تهمّكشي نتونتو.
بعبوص الكلب حطوه ميات سنه في قصبه كي خرج خرج معوج.
بعثوه يجيب في الطّبّاله جاب الصّبايحيّه.
ابعد عليّ خلّيني نتخذ .
بعّدْ لنثى ع الذّكرْ ما ترى شرْ.
بعد الشّدّه يجي الفرج.
بعد السيف علق منجل
بعد ما شاب ادّاووه للكتاب (أو هزّوه)
بفلوسكْ تعنقرْ كبّوسكْ.
بفلوسك ما تصاحب جزّار.
البقره إذا طاحت كثرت سكاكنها.
بكر تاكل السفنج
البل تمشي على كبارها.
بلاد ما تعرفش امّاليها شمّر و اخرا فيها.
البلادْ بامّاليها.
بلع السكينه بدمها .
بلّي يبيع السّارق رابح.
بلسانك تصوحب البي
بناو و علاّو و مشاو و خلاّو.
بنت زوالي و عوراء. زوالي =فقير بالتركية
بنت العم اضرب و ردّ للتّركينه. التركينة = زاوية الغرفة المظلمة.
البنت لا تردّ الورّاث و لا تشدّ المحراث.
بنت عمّكْ تصْبر لكْ على همّكْ.
بنى و علّى و مشى وخلّى
بنّاي و دارو طايحه
البنّه في الزّبده و الخره للتّرفاس .
بهيمه تبيع و بهيمه تقبض.
البهيم بكراه يلعن بوه و بو مولاه.
بهيم الشّركه يموت مدبار.
بهيم و قدم قرعه.
بهيمك النكاس و لا قعدتك للنّاس.
بو البنات ما يبات متهنّي.
بوزيدْ مكسي بوزيدْ عرْيانْ.
بو بلاش ما يسواش.
بوس بلا محبّه يقطّع الشواربْ.
بوس الكلب من فمو حتى تقضي قضيتك منو
بوك عاش زناد و أنت عشت بخش بعدو
النّار تخلّف الرماد يا شماتة الأعداء.
بيع البقره و اشري زكره .
بين الشاقي و المرتاح ألف مراح
بين البايع و الشاري يفتح الله.
البير غارق و الحبل قصير|.
بينْ اللقمه و الفمْ فمّه حاكمْ يُحْكمْ.
رد بالك
رزق حدّ ما يفكّو حدّ.
الرزق الحرام يمشي في الظّلام.
رصّاتلو في الضحضاح.
رصّاتلو على بره.
رضيت بالهم و الهم ما رضاش بيّ
رخص الحرير يهبط بيه الطناجر .
الرفيق قبل الطّريقْ.
رقاد الجبّانه و لا عيشة الهانه.
رقبتو تحتْ الموسْ.
ركبوه ع البهيم مد يدو للزنبيل .
روحي روحي لا ترحم من مات.
ريح زقاق و لا ريح شقاق .
ريح السدّ يدي ما يرد.
تعليقات
إرسال تعليق