طريقة عمل السبانخ الجراتان

طريقة عمل السبانخ الجراتان

2 علبة سبانخ مجمدة

4 معالق كبيرة زبدة

بصلة صغيرة مبشورة

3 معالق كبيرة دقيق

2 – 3 كوب كريمة المراعي

ملح وفلفل

للوش:

جبنة موتزاريلا

جبنة رومي

حطي ملعقتين زبدة في طاسة وخليها تدوب، وضيفي عليها بصلة مبشورة وفص ثوم، وشوحيهم.

ضيفي السبانخ وقلبي الخليط وحطي عليهم ملح وفلفل، بعد كدة ضيفي باقي ملعقتين زبدة على الخليط وعليهم 3 معالق كبيرة دقيق وقلبي الخليط كويس جداً.

ضيفي 2-3 كوب كريمة حسب الخليط هيحتاج قد إيه

ضيفي عليهم ملح وفلفل، وسيبيهم لحد ما الخليط ياخد غلوة. وسيبي الخليط على جنب.

بعد كدة ضيفي على الوش جبنة موتزاريلا وجبنة رومي .

حطي الصينية في الفرن لمدة 20 دقيقة وخلي الوش ياخد لون والجبنة تدوب