رواية تزوجت طفلة الجزء السابع عشر
صفاء وياسر وجيسى وسعديه وعلا قعدو واتغدو وصفاء كانت
طابخه بأديها كل الاكل اللى ياسر بيحبه
والاكل عجبه جدا وكان الاكل المصرى واحشه جدا الملوخيه
والمحشى والمكرونه البشاميل وحمام وبط وكانت سفره
محتاجه ٢٠ شخص عشان يخلصوها
بعد الاكل والحلو ياسر لعلا ها مش هتقوليلى تعرفينى منين
علا من كلام صفاء عليك يووووه دى مزهقانى ياسر ياسر
ياسر طول السنين اللى فاتو
ياسر بضحك ياااااه للدرجادى
علا واكتتتتر انتا متعرفش قامت صفاء زغدتها عشان تفصل
وفعلا فصلت وانتبهت ان جيسى قاعده
صفاء نطت مره وحده بحيويه وخفه
هاه عندك استعداد لرحله معايا ولا تعبان
ياسر :رحله ايه
صفاء :هتعرف كل حاجه لما نروح ومسكت ايده
جيسى :ويت انا كمان هاروح معاكم لو تسمحو
صفاء :اكيد طبعا انتى تنورى وبصراحه هى كانت عاوزاها تشوف نجاحها مع ياسر
ركبو العربيه وعلا معاهم
علا نزلينى انا هاروح بقى كفايه
صفاء :اوك ونزلتها وكملت هى وياسر وجيسى
لفت بيه على المصانع والمحالج ومنافذ البيع واحد واحد
وعرفته الشغل بيتعمل ازاى وانها عامله سلسله بتغذى بعضها
من المصانع وياسر مستغرب وفاتح بوقه وجيسى متقلش
عنه استغراب
ياسر :انتى عملتى دا امتا وازاى دى امبراطوريه يابنتى
بقى صاصا المفعوصه تعمل دا كله
جيسى فى حاله صدمه عصبيه مش بتتكلم بس فاتحه بوقها
وبتمشى معاهم
صفاء :هقولك عملت ده منين وازاى
وخدتهم وطلعت بيهم على الارض فى البلد اللى كانت واحشه ياسر جدا
وبالزات القعده على الترعه فى حتته المفضله وهو البلد
وناس البلد
صفاء خدت ياسر ولففته على كل الارض وعرفته هى عملت فيها ايه وطورت محاصيلها ازاى واغلب كلامها كان
بالانجلش وورته الاراضى الجديد والمستصلحه ياسر اتهلك
بمجرد اللف على الارض وحس قد ايه صفاء تعبت
ووفقت بين الدراسه والشغل ونجحت نجاح باهر واخيرا
صفاء اخدته عند بيتهم القديم اللى هدته هو وبيت هنيه وعملت مكانهم مدرسه اعداديه عشان تبقا وسط البلد
وتحافظ على بنات البلد من المضايقات اثناء مرواحهم
للمدارس البعيده وكانت دأئمه التبرع للمدرسه والمدرسه
كانت الاولى فى التعليم والامكنيات عن كل المدارس فى
البلاد المجاوره
بصراحه الفكره عجبت ياسر جدا وخصوصا انها قالتله
انها متكفله بالمدرسه دى كصدقه جاريه على روح
ابوها وعمها ومراته
وفهم انها برغم انها سوبر بزنس ومن لكن لها قلب طيب
مليان حب وخير
بصراحه ياسر انبهر بالشخصيه اللى قدامه دى اللى مش
عارف هى اتكونت اذاى
وجيسى كانت كأنها منومه مغنطيسيا تعالى تيجى روحى
تروح
ياسر وصفاء وجيسى قعدو فى مكان ياسر المفضل وشربو .
شاى وبعدها قامو روحو وهما هلكانين ومتنحين
صفاء ماشيه بالعربيه
ياسر :انتى رايحه فين مش دى الطريق
صفاء اصبر بس مفاجأه
ياسر :لا مفاجأه ايه تانى كفايه
صفاء بضحك :طب دى اهم واكبر مفاجأه
صفاء وصلت قدام شركه فخمه جدا ونزلت وكل اللى يقابلها
مصدوم ومنبهر من شكلها الجديد والشركه وقفت لها على
رجل وحده
صفاء دخلت باب المدير العام اللى الموظف فتحولها ورحب
بيها جدا
دخلت وقعدت على الكرسى
ياسر :هو فيه ايه
صفاء :فيه ايه ازاى شركتى
ياسر :لا والنبى انتى عايزه تفهمينى ان الشركه دى بتاعتك
صفاء :اه بتاعتى
ياسر مستغرب جدا وجيسى بس ساكته ومش بتتكلم
ياسر هى ايه طبيعه الشركه دى
صفاء دى شركه تصدير للخضروات الاورجنيك اسمها
(صوفى E.S.Y )
ياسر :بتهزرى صح دى شركه منتجاتها ماليه اسواق اميركا
من عصاير وخضروات مجمده وغيره عاوزه تفهمينى ان دى
شركتك
صفاء :بالظاااابط
الباب خبط
صفاء :ادخل
دخل موظف شايل شنطه كبيره
صفاء :ايوه يا محمود
محمود :
انا حصلت ايرادات الاسبو يافندم ٢ مليون جنيه فجبتهم لسعادتك تشيليهم فى خزنه الشركه
صفاء :طيب تمام
صفاء فتحت خزنه ضخمه بطولها وعرضها يجى نص متر وحطت فيها المبلغ
جيسى كان هيغمى عليها
وياسر مش مصدق نفسه ولا مصدق عنيه والاتنين
فى حاله صعبه ومزبهلين
صفاء كانت فرحانه انها شايفه النظره دى فى عنيهم
وحست انها انتصرت
روحو البيت وصفاء دخلت تنام وهما كمان دخل
بزنس ومن شاطتزوجت طفله الحلقه ال٢١
صفاء سمعت كلمه طلاق والقلم وقع من ايدها واتوترت
بس استجمعت قواها عشان متبانش زعلانه
صفاء :مين قالك ان فيه حد اصلا
ياسر :العادى يعنى
صفاء :لا انا معنديش ومكنش عندى وقت للحب والكلام ده
انتا متعرفش التعب اللى شفته اد ايه عشان اوصل
للى وصلتله ده
ياسر :طب وليه تضغطى على نفسك كده مكان كل ده جه
بس وحده وحد
صفاء :معلش بس حبيت اكون بذنس ومن شاطره وصغيره
ياسر :اممممم يعنى انتى كنتى بتدورى على لقب وشهره
اكتر من الفلوس
صفاء :عمر الفلوس مكانت من اولوياتى وكل مشروع كنت
بعمله كان هدفه الاكبر انى ازاى اقدر اوفر فرص عمل
للناس المحتاجه وافتح بيت مهدد بالخراب
واظن ان اللى انا فيه دا كله والنجاح اللى حالفنى بسبب كده
يعنى انا الحمد لله عمرى متعرضت لخساره ابدا مع ان
اى بزنس مان معرض للمكسب والخساره
ياسر :دا بس عشان انتى عرفتى تثتثمرى بطريقه علميه
وصحيحه
صفاء :ممكن لانى لو فيه مشروع شاكه ولو ١%فى عدم
نجاحه كنت ببعد عنه
وحتى اللى واثقه فى نجاحه كنت بصلى استخاره قبل
معمله واللى بيهدينى ليه كنت بعمله علطول
ياسر بيسمعها بأعجاب واهتمام شديد ومنبهر بيها وحاسس
ان نجاحها ده نجاحه هو شخصيا
ياسر :طب بس خلاص اظن دلوقتى كفايه ونشوف حياتنا
الشخصيه شويه ونحب ونتحب
صفاء :لو فضلت جمبى وساعدتنى وقتها بس هشوف
الموضوع ده انا عارفه انك اكيد عملت اسم هناك وصعب
تتخلى عن اللى بنيته بس انا عارفه انك ذكى بطريقه
خياليه وذكائك ده لو اثتثمرته فى مجال البزنس هتنجح.
جدا
ياسر سرح فى كلامها وبالزات فى كلمه نجاحه دى ومتكلمش
محبش يظهر قدامها انو فشل مش عارف ليه بس
يمكن خاف على صورته اللى فخيالها تتهز
صفاء:اه وفيه حاجه كمان ياريت نأجل موضوع الطلاق ده
شويه لما الاقى الشخص اللى احبه الاول لان فيه
اشخاص بتبقا لحوحه جدا ومبتبعدش الا لما اصرح واحلف
انى متجوزه فدا حمايه ليا
ياسر :بضحك حتى موضوع جوزاك بتثتثمريه يباى عليكى
بس بصراحه هما عندهم حق حد يشوف الجمال ده كله
وميعملش المستحيل عشانه صفاء انتى بصراحه
برفكت ومن لاى حد
صفاء اتكسفت ووشها احمر وقالت فى نفسها بس انا
مش عايزه اكون برفكت ومن لاى حد انا عايزه اكون ليك
انتا وبس انتا حقى انا ياياسر اللى الدنيا سلبتهونى
انا مستعده ابعد عن كل الفلوس والنجاح ده بس افضل
معاك انتا وبس
ياسر :هيى وير ار يو رحتى فين
صفاء :معاك دايما معاك
بقولك يايسو فكر فى مشروع بسرعه بس لازم يكون هدفه
نبيل ويكون فيه استفاده للناس وميهمكش التمويل
مع انى مش عارفه انتا ليه مش راضى تمسك الشغل بتاعى
ياسر سكت يمكن يكون عايز يثبت لنفسه انه يقدر ينجح
لوحده
اويمكن مش عاوز يشارك صفاء نجاحها اللى تعبت فيه جدا
هو نفسه مش عارف
ياسر :طيب انا هشوف واحاول ادرس السوق كويس وهرد عليكى
صفاء :بس بسرعه تايم اذ مانى يايسو
ياسر :متعرفيش ياسو دى كانت وحشانى منك اد ايه الا انتى
ليه مكنتيش بتكلمينى ياصاصا وانا فأميركا
صفاء :يعنى اديك شوفت بنفسك المشاغل اللى ورايا
ياسر بصلها :مش مقتنع بصراحه تعرفى انا اتهيألى ان لسه
الهبل بتاع زمان فى دماغك وفاكره نفسك بتحبينى
صفاء :بزعل هو حبى ليك كان هبل فى نظرك
ياسر :اه طبعا وقتها كان هبل
ضحك ضحكه خفيفه فاكره ياصاصا لما جبت جيسى كنتى
عايزه تموتيها ازاى
صفاء بصوت واطى ولسه عايزه اموتها
ياسر :ها قولتى ايه
صفاء :لا ابدا بقول كنت هبله اوى
ياسر بضحك بس احلى هبله فى الكون
ياسر خرج وقابل اصحابه امين وحازم اللى حكوله عن حياتهم وعرف ان كل واحد عنده طفلين
وهو كان مفتقد الموضوع ده جدا وكل ميطلب من جيسى
تخلف ترفض بحجه الظروف
ياسر حكالهم باللى حصل معاه واللى حصل مع صفاء
حازم بقا صفاء المفعوصه دى يطلع منها كل ده
امين :مين كان يصدق
قعدو مع بعض وافتكرو ايام زمان ومواقف كتير حصلت
معاهم وفضلو يضحكو وانبسطو جدا
ياسر روح وكان مبسوط جدا قعد مع جيسى وروبرت
جيسى هاه مقلتليش هتعمل ايه
ياسر :فى ايه
جيسى :فكرت فى مشروع ولا لسه
ياسر :لا لسه
جيسى:متتعبش نفسك انا فكرتلك انا كلمت ناس بتدس
الاسواق بتاعت كل الدول وتعرف كل بلد تعدادها واستهلاكها
وايه المشروعات اللى بتنجح فيها
جيسى بدأت تش حله بالتفصيل وروبرت يشرح معاها وهو
فهم ان روبرت هيحشر مناخيره فى المشروع عشان كده
هو موجود فى مصر
ياسر :خلاص ادينى وقت ادرس كل مشروع واشوف الاحسن
والانسب
جيسى بس بسرعه ياسر :تايم اذ مانى
ياسر :استغرب من جملتها دى اللى صفاء لسه قايلاها بس
جيسى كانت قيلاها بطربقه فيها جشع وصفاء كانت قيلاها
بعفويه
ياسر :درس المشاريع وقرر انه هيشتغل فى مجال العقارات
والبنا المستقبل للمشروع ده ومكسبه مضمون
ياسر فاتح صفاء فى الموضوع اللى وافقت فورا
ياسر :بس انا عاوز ابدأ على كبير يعنى اجيب اكبر مهندسين
معماريين واستف من امهر الاشخاص
صفاء :جود اى مبلغ تطلبه هيكون تحت امرك
ياسر :بس ليل شرط المشروع هيبقا بأسمك برضو وليكى حق
الاداره
صفاء :اه طبعا اكيد السوق علمنى انى مصقش فحد
ياسر بصلها بصدمه
صفاء بصتله وضحكت بهزر على فكره طيب انا ايه وانتا ايه
يايسو امتا هتفهم اننا واحد
ياسر :انا فاهم بس دا حقك
صفاء :عموما اعمل اللى تعمله اهم حاجه تشتغل ياأخى
ياسر :خلاص انا هبدأ فى الاجراءات من بكره
صفاء تمام
سعديه كانت فرحانه بوجود ياسر جمب صفاء ومطمنه ولما
كانت بتشوفهم بيتكلمو مع بعض كانت بتشوف اد ايه
هما متفاهمين ومتفقين فى ارائهم
وكانت بتتمنى لو بس ياسر كان اصغر شويه كانت جوزته
لصفاء علطول
واطمن اكتر لما عرفت انو هيفضل فى مصر ويشتغل مع
صفاء
ياسر لصفاء
ايه رأيك انا هفتح مشروعى فى اسكندريه
صفاء :ليه فى اسكندريه طيب متفتحه هنا
ياسر :اسكندريه الاراضى فيها ارخص من هنا وبعدين بلد
سياحى وشغل الاوتيلات والمنتجعات مطلوب هناك
صفاء :خلاص اللى تشوفو مع انى كنت عايزاك جمبى بس
مش هقف فى طريق شغلك ابتدى زى متحب
ياسر خلاص انا هسافر بكره اشوف موقع ينفع مقر للشركه
بس.
صفاء بس ايه
ياسر هحتاج شقه هناك اعيش فيها
صفاء :بس كده انتا تؤمر قامت راحت فتحت درج وطلعت
مفتاح وادتهوله
ياسر :ايه ده
صفاء مفتاح لشقه اشتريتها فى اسكندريه وبأجرها هدى اوامر للبواب ميأجرهاش بعد الشهر ده تقدر تعيش
فيها وعلفكره هى فى ارقى مكان فى اليكس
ياسر :ايه دا يابنتى دانتى بقيتى عامله زى الفانوس السحرى
صفاء :هههههههه شبيك لبيك صاصا بين اديك
ضحك ياسر وبصلها بحب
متشكر ياصفاء
صفاء :لا كده تزعلنى منك احنا فيه بينا شكر والكلام ده
ياسر :خلاص انا هسافر بكره الصبح
صفاء :تروح وترجع بألف سلامه
ياسر :الله يسلمك
ياسر قام طلع فوق عند جيسى وروبرت وبلغهم انه هيسافر
بكره وسأل جيسى هتسافر معاه
جيسى رفضت واتحججت انها هتعمل زياره لمناطق سياحيه
فى مصر هى وروبرت
ياسر :طب اوكى براحتكم
علا دخلت الفيلا وكان معاها بنت رقيقه وجميله
علا :هاى ياصاصا
صفاء :هاى يالولو اخبارك
علا :تمام اعرفك ياستى دى ايمان كمال دى جيرانى وبجد
انسانه شاطره ومحترمه جدا وخريجه كليه تجاره بأمتياز
وكنت قصداكى تشغليها معاكى
صفاء طب انتى موظفتيهاش علطول ليه مانتى ليكى
سلطه تعملى كده
علا لا بس حبيت انك تتعرفى عليها فى الاول
صفاء :يالولو اى حد من طرفك محتاج شغل شغليه علطول
ايمان :ميرسى ليكى بجد صفاء هانم
صفاء ايه هانم دى انا اسمى صاصا وانتى اسمك مونى
وطالما انتى صحبت لولو تبقى صحبتى انا كمان
ايمان :دا شيئ يشرفنى جد وبأذن الله هكون عند حسن ظنك
صفاء :انا واثقه من ده
المهم ياعلا تعالى اسمعى وحكتلها هى اتفقت مع ياسر على
ايه
وحكو شويه فى الشغل
تانى يوم الصبح الكل بيفطر
ياسر محضر شنطه هدوم صغيره
ياسر طب استأذن انا يدوبك الحق
صفاء استنا هتسافر ازاى
ياسر :بالقطر طبعا
صفاء قطر ايه يابنى امسك طيب ورمتله مفاتيح
صفاء :دى مفاتيح عربيتك الجديده جت امبارح بالليل
يعنى صاحب اكبر شركه مقاولات فى مصر
يسافر بقطر
جيسى نطت من فوق الاكل وطلعت جرى هى وروبرت
شافو العربيه احدث موديل اخت بتاعت صفاء بس
لونها اسود
جيسى وروبرت عنيهم برقت وبصو لبعض بفرحه
ياسر شاف العربيه
ياسر :بجد دا كتير اوى ياصفاء
صفاء متقولش كده صفاء وفلوس صفاء كلها تحت امرك
ياسر ركب العربيه ومشى
وصفاء ركبت عربيتها وطلعت على الشركه
وجيسى وروبرت طلعو اوضه جيسى
روبرت: انا مش مصدق كل ده
جيسى :شفت كنت عاوزنى اتهور واسيب كل فلوس دى
انا كنت حاسس ان ياسر لسه فيه منه منافع كتير
جيسى نسيت تليفونها تحت رن سعديه ندهت على بيتى
الخدامه بس بيتى مسمعتهاش
طلعت تودى التليفون لجيسى
خافت يكون ياسر نسى حاجه
فى الاثناء دى
روبرت :انتى بجد طلعتى سو سمارت وانا اللى كنت بقولك
كفايه كدا اللى اخدناه منه اتارى عنده كتير
جيسى قربت منه وبتفك فى زراير قميصه واحنا كمان معانا
وقت كتير
روبرت قرب منها شالها نيمها على السرير وابتدا يبوس فيها
بطريقه وحشيه
سعديه سمعت اصوات ضحك ودلع زى ميكون راجل ومراته
ولانها عارفه ان ياسر سافر مترددتش وبصت من خرم الباب
وقفت مره وحده مبرقه ورجعت على الحيطه مسكت
قلبها ووقعت على الارض
روبرت وجيسى سمعو صوت الوقعه روبرت طلع يجرى
شافها على الارض
روبرت :اوووو شت
جيسى :وات
روبرت :سعديه شافتنا
تعليقات
إرسال تعليق