رواية تزوجت طفلة الجزء السادس عشر
سعديه بصت وراها اهلا يابتى عامله كيف اخبارك
وخدتها فحضنها
علا :تمام ياماما الحجه بس بنتك دى هالكانى معاها ومش
مديانى فرصه ارتاح
صفاء :يبنتى دا وقت التعب بعدين نرتاح
علا كانت اقرب صديقه لصفاء وهما تقريبا مش بيسيبو بعض
من ايام الدبلوم اتعرفو على بعض وصفاء لقت فيها الاخت
الوفيه الطيبه وعلا حبت صفاء جدا ومبقوش يفترقو
ونظرا لظروف اهل علا اللى على اد حالها صفاء شغلتها معاها
صفاء :يلا ياسوسو ادخلى اتفرجى على بيتك الجديد
ومن بكره اهل البلد هيهلو عليكى ياقمر
صفاء دخلت سعديه الفيلا اللى كانت روعه من جوه اثاث
بسيط ومتناسق وحاجه مريحه وقدام الفيلا فيه
جنينه فيها نافوره على شكل كام وحده فلاحين شايلين
بلاصات وبيكبو ميه
صفاء وهى داخله :بصى كمان لقيت الستات دول ببلاليصهم
جبتهملك عشان مبقاش حرماكى من حاجه
بصراحه النافوره وسط الجنينه كان منظرها خرافى
وكل حاجه فى اللبيت والجنينه كانت هاديه ومريحه للعين
سعديه قعدت فى الجنينه هى وعلا وصفاء
سعديه :هاه مقولتليش مشروع ايه ده اللى هتفتحيه هنا
صفاء :بصى ياست الكل انا فى الفتره الاخيره ومن دراستى
للسوق لقيت ان الناس دايما بتشتكى من الخضروات والفواكه اللى بتكون مش اورجنك يعنى مدخلين فيها
مواد كيماويه عشان حجمها يتضاعف بسرعه
وفنفس الوقت مستعدين يدفعو اى فلوس عشان يأكلو ولادهم حاجه متكونش مضره
فأنا عملت مشروع الزراعه العضويه يعنى بتكون معتمده على
السباخ الحيوانى وبس من غير كيماويات
بحثت على النت لقيت شركات كتير كبيره بتتعامل فى الحجات الاورجنيك دى وفعلا بعت المحصول بمبلغ وهمى
طبعا بعد ماالشركات اتأكدت ان منتجاتنا عضويه ١٠٠%
بقا الطلب بالحجز ودا خلانى اعمل مبلغ مش بطال
أستأجرت بيه كله ارض من الفلاحين فى البلاد اللى حوالينا
وزرعتها ودلوقتى المحصول بيتصدر وعامل مكاسب رهيييبه
لقيت شركات بتاخد منتجاتنا بكميات كبيره ولما سألت
لقيتها شركات دايت يعنى بتعمل وبتوفر اكل صحى وطبيعى
للطبقات المرفهه من الشعب ورجال الاعمال
واكتشفت ان الشركات دى بتكسب جدا
فقلت ليه معملش شركه دايت وتكون قايمه على محاصيلنا
وكمان زرعت مساحه كبيره من الارض نباتات عطريه
وجبت الات لاستخلاص الزيوت منها وبنتج زيوت خام بجوده عاليه جدا دى بقوم بتصديرها وهنا بيستخدموها
فى العلاجات والكريمات الغاليه جدا
وكمان اخدت انا والهبله دى ٢٥٠ فدان استصلاح فى الصحرا
وكلفنا ناس تستصلحهم وزرعناهم اشجار زيتون
علا :مش بقولك بتنك قرده دى فى فتره صغيره بقت سيده
اعمال والاولى فى مصر ويمكن فى الشرق الاوسط فى
التصدير
سعديه :مشاء الله ربنا يزيدك يارب ياريت ابوكى كان عايش
وشاف اللى بتعمليه ده كان فرح بيكى قوى
صفاء :الله يرحمه هو اكيد شايفنى وفرحان بيا
سعديه قامت ومنعت دمعه تنزل من عنيها
سعديه طيب انا هاروح اشوف المطبخ
وراحت المطبخ ودموعها نزلت غصب عنها
سعديه :الله يرحمك يااسماعين ملحقتش تفرح بخلفتك
منك للاه ياهنيه
صفاء بصراحه كان نفسها حد تانى يفرح بيها وبنجاحها
ويفرح معاها شردت لفتره
علا بتطقطق بصوابعها قدام وشها فوقتها
علا :مش هتنسى
صفاء : انسى انسا ايه ياعلا انسى حب عمرى والراجل الوحيد اللى اتمنيته من الدنيا دنا حتى على زمته
سعديه كانت فى المطبخ وجايه
سعديه :جميل قوى المطبخ وواسع قوى قوى
سكتو هما الاتنين
سعديه :كنتو بتوشوشو فيه ولما جيت بطلتو
صفاء بصت لعلا عشان متتكلمش
بس علا مسكتتش
علا :
لا مش هسكت عشان انا متضايقه عليكى جدا
حرام عليكى بجد نفسك مانعه اى حد يقرب منك وبتصدى
اى حد بيحاول وتقولى انك متجوزه
سعديه :دى دماغها ناشف كذا مره ياسر يتصل اقولها اقوله يجى يكتب عليكى ويطلقك تقولى له
وكمان منعانى انى اقوله هى ناجحه كد ايه وافرحه بيها
وتقولى متقوليلوش اى حاجه عنى واصل
وكمان مش بترضى تكلمه وهو زعلان منها قوى
مش عارفه هتفضل اكده لميته
صفاء :هانت كلها سنه واتخرج واشوف هاعمل ايه
وكمان موضوع جوازى ده خدمنى جدا عشان بعد عنى مدايقات وحوارات انا فغنى عنها
صفاء :عن اذنكم
طلعت فوق فى اوضتها فتحت شنطتها طلعت كوفيه رجالى
وقزازه بارفان ورشت من البرفان على الكوفيه وشمتها
وغمضت عنيها ونزلت منها دمعه
علا :كنت عارفه انك هتيجى هنا وتعيطى يابنتى ارحمى ام
الكوفيه اللى دابت من كتر مسكت ايدك دى ومدت ايدها تاخدها منها بس صفاء حضنتها ونامت
صفاء :دى كوفيه حبيبى ياسو دى اللى باقيالى تصبرنى على
غيابه ودا برفانه كل مشتاقله اشم ريحه البرفان افتكر ريحته
علا :يابنتى انا مستغرباكى ازاى انتى عقلك يوزن بلد وبتفهمى كل حاجه ومش قادره تفهمى ان حبك ده مستحيل
يابنتى غير انه اكبر منك ب١٨ سنه الا انو متجوز ومستقر
ومبسوط يعنى مفيش امل معاه عيشى حياتك بئا
صفاء :انتى مش فاهمه حاجه اسكتى
علا :طيب لما بتحبيه اوى كده رافضه تكلميه ليه او يعرف
حاجه عنك
صفاء رجعت بالذاكره لورا
سعديه :ليه امريكانيه ياياسر
ياسر :بتفهمنى ياأمى وعقلها كبير وبزنس ومن شاطره جدا
صفاء :هيعرف كل حاجه بس مش دلوقتى
ياسر فى اميركا بعد مااشتغل فى بنزينه فتره اشتغل فى مكتب محامى اشتغل سكرتير واستقر فى الشغل ده
وجيسى بعد كام خساره ورا بعض خسرت العملا بتوعها
ومبقاش حد بيثق فيها تضارب باسمه فى البورصه
اشتغلت جرسونه فى مطعم
بقا فيه فراق بينها وبين ياسر وياسر بقا محبط لانه محققش
ولا حاجه من احلامه وعايش بلا هدف
روبرت راح لجيسى الشغل
روبرت :جيسى مش كفايه كده
جيسى :كفايه ايه
روبرت :لوك آت يو انتى ازاى مستحمله كده شوفى كنتى ايه
وبقيتى ايه مش كفايه من ياسر ده
جيسى :نو نوت اينف
وروح عشان ياسر هيجى ياخدنى يروحنى ومش عاوزه تعملو
مشاكل مع بعض اترفد بسببها واحنا خلاص باقى كام قسط
ونسدد اقساط البيت ويبقا عندى بيت ملكى
روبرت :انا ماشى بس ابقى عدى عليا
جيسى :كنت هعمل كده لوحدى على فكره
روبرت:ابتسم لها ومشى
صفاء خلصت السنه الاخيره واتفرغت لمشاريعها
بعد ماعملت المشغل ودربت البنات على ايد اساتذه وبقو شطار جدا تحت اشراف سعديه وشغلهم بقا ينطلب بالاسم
صفاء فتحت مجموعه محلات تعرض فيها شغل المشغل
وده خلاها تكسب اكتر
وعملت محالج لحلج القطن اللى بتزرعه ومصانع للاقمشه بتغزيها المحالج بالخيوط ومصانع للهدوم والمفروشات
بتغذيها مصانع الاقمشه وطبعا فتحت منافذ للبيع
ومحلات تعرض فيها شغل المصانع وكل ده كانت ممسكاه
لعلا
وهى كانت متفرغه للزراعه والتصدير وبقت امبراطوره
فى السوق وصاحبه اكبر شركات بعنوان( صوفى E.S.Y )
وفى يوم سعديه تعبت ووقعت
صفاء جمبها :الف سلامه عليكى يأمى ايه تاعبك
سعديه :انتى ياصفاء انتى اللى تعبانى
صفاء :انا يأمى طب ليه
سعديه :عشان مش مريحه قلبى ولا راضيه تفرحينى
صفاء سكتت وفهمت سعديه تقصد ايه
صفاء كله بأوانه ياأمى
سعديه :هو ده اوانه انا هموت فى اى لحظه وعايزه اطمن عليكى وقعدت تعيط
صفاء :خلاص ياأمى متبكيش انا هعمل اللى انتى عاوزاه
سعديه :خدى السماعه واتصلى بياسر خليه يجى عشان
يكتب عليكى ويطلقك وتشوفى حياتك
سعديه :دلوقتى وقدامى
صفاءبتردد مسكت السماعه وطلبت الرقم اللى كانت حفظاه
عن ظهر غيب
التليفون رن وهى اتوترت جدا وقلبها دق بسرعه وكان هيقف
بمجرد ماياسر قال الو
صفاء :أأأألو
ياسر :ايوه مين
صفاء :بدموع فى عنيها ياسو معايا
ياسر قام وقف بصوت حنين اوووى صاصا اخير سمعت صوتك
صفاء حست برعشه بتسرى فى جسمها كله ورمت السماعه
ياسر زى المجنون الو الو الو صفاء
سعديه مسكت السماعه
سعديه :ايوه ياولدى
ياسر :ايوه يأمى ايه اللى حصل فين صفاء
سعديه اهى جمبى هى كانت بتتصل بيك عشان تقولك تيجى
عشان تطلقها
ياسر ياه الطلب ده اتأخر اوى اخيرا صاصا حبت وهتتجوز
انا هاجى الاسبوع الجاى وقوليلها انها وحشانى جدا جدا وبس اشوفها هاكل ودانها
سعديه تيجى بالسلامه ياولد قلبى
ياسر :قفل السماعه وقعد على الكرسى ومال لورا وحط ايديه
ورا دماغه وابتسم وسرح فى شقاوه صفاء وضحكتها وافتكر
كل كلامها افتخر اول كلمه نطقتها واول مره مشيت كان
هو بيعلمها المشى واكتشف انها وحشاه جدا
وهو مروح شاف محل ايس كريم افتكر صفاء كانت بتحب
الايس كريم اد ايه وبتفرح ازاى يوم مياسر يفسحها ويشتريهولها
ووقف قدام المحل وابتسم ودخل وطلب ايس كريم
بكل النكهات زى ماكانت بتحبه صفاء
قعد ياكل ايس كريم وهو مبتسم وافتكرحياته فى مصر
واد ايه كانت حياه جميله مليانه سعاده مفيهاش ضغوطات
ولا مشاكل
طلع تليفونه واتصل بصاحبه امين اللى ليه ٣ سنين مكلمهوش
امين:الووووو
ياسر :هالو كان آى سبيك تو امين بليذ
امين :آيام امير وذ يو
ياسر :يأمين ياواطى
امين :ياسر يخرب عقلك دانا قلت موت اخبارك ياعم
ولا حس ولا خبر وتقول عليا انا واطى
بس دانتا فأميركا ياعم تلاقيك مش فاكر اسمك
ياسر :واحشنى انتا وحازم والشله
امين :ياااااعم انتا اوحش والله
ياسر :طب حضرو نفسكم انا جيلكم الاسبوع الجاى اقيمو
الافراح وعلقو الزينات
امين دا بجد ؟؟
ياسر :جد الجد
امين :ايوه كده رجع ايام زمان ياسوو
ياسر قفل مع امين وروح البيت
ياسر :دخل بفرحه جيسى هاى سويت هارت
جيسى :هاى هانى شكلك مبسوت
ياسر :جدا اصل سعديه كلمتنى وسافر الاسبوع الجاى
جيسى :وات
ياسر :وات وات مسافر ماما وصفاء عاوزينى انزل اتجوز صفاء واطلقها شكلها فيه عريس
جيسى :اوك انا هسافر معاك
ياسر :دا كله اسبوع مفيش داعى
جيسى :نو أى ويل كم وذ يو اند اتس اوفر
ياسر :اوفر اوفر ويقولو ستات مصر نكديه مهو فيه نكد فى امريكا اهو ولا انا بس حظى كده
جيسى :وات دويو ساى
ياسر :مبسايش حاجه حضرى نفسك نكست ويك
جيسى :اوك
عدى الاسبوع وياسر بيستعد للسفر هو وجيسى
التليفون رن
جيسى :هالووو
روبرت :هاى وير آر يو اند وات آر يو دوينج
جيسى :انا بستعد للسفر
روبرت :وات
جيسى :جست ويك روبرت
روبرت :واى
جيسى :ياسر عنده مشكله وهيروح يحلها
روبرت :ياسر ياسر اتس انف يو ماست ليف هيم
جيسى :بس نرجع من السفر وهنشوف
روبرت :اوكى ايام وتينج
ياسر :وتس رونج وذ هيم
جيسى :نو ثينج
ياسر :انا مش عارف ايه سبب كره اخوكى ليا مع انى معملتلهوش اى حاجه
جيسى :هو روبرت كده قلتلك مش اجتماعى
ياسر :اوكى فور جت يلا بينا هنتأخر
صفاء فى مصر
صفاء :علا هتيجى معايا نجيب ياسر من المطار
علا :طب والشغل روحى انتى وانا هفضل وبعدين دا لسه باقى ٣ سعات تقريبا
صفاء :يبنتى هروح استعد دانا هقابل حبيبى بعد فراق طويل عاوزاه يشوفنى فى اجمل صوره
علا :والله انا قلبى مش مطمن يلا ربنا يستر
صفاء :لا مش ناقصه تشاؤم ابوس ايدك
صفاء راحت الكوافير عملت شعرها وميكب جميل جدا وملفت
فردت شعرها وكانت لسه صابغاه اسود وبقى زى الليل نازل
لغايه نص ضهرها ولبست بلوزه كت وبرقبه على بنطلون
جينز ديق وشوز نسائى بكعب رقيق جدا
وحطت برفان بعتت مخصوص جابته من فرنسا يعتبر اغلى
عطور العالم
لما حطت منه ريحته قلبت الدنيا
طلعت ركبت عربيه فخمه آخر موديل اشترتها مخصوص
عشان تستقبل بيها ياسر
جه الميعاد صفاء راحت المطار واستنت وكانت محط انظار
كل اللى يشوفها شباب او رجاله او ستات وحتى العيال
الصغيره كانت بتشاور عليها
صفاء لمحت ياسر جى من بعيد قلبها دق بسرعه لدرجه انها
كانت متخيله ان الناس سامعه صوت دقات قلبها
ابتسمت ابتسامه ساحره بس اختفت بسرعه اول ماظهرت
جيسى من ورا ياسر واتضايقت جدا خصوصا انه مجابش
سيره انها جايه معاه
صفاء استجمعت قواها ومشيت بخطا ثابته وابتسامه
خفيفه ناحيه ياسر
ياسر شايف وحده زى القمر جمالها اسطورى رايحه ناحيته
بتمشى بخطوات ثابته وواثقه وعنيها عليه بص حواليه
ملقاش حد الا هو وجيسى واقف واستغرب اكتر
لما قربت منه بدون كلام وحضنته باسته من خده
صفاء :وحشتنى
ياسر داخ من ريحه البرفيوم ورد بصعوبه
انتى تعرفينى
صفاء :اخص عليك نسيت صاصا
جيسى بصتلها من فوق لتحت ومش مصدقه
جيسى :وات
ياسر :صاصا مش معقول معرفتكيش وشالها فحضنه ولف بيها
وصفاء فرحانه وبتضحك كفايه هتوقعنى
ياسر :كبرتى اوووى واحلويتى اوى اوى
جيسى :هاى صفاء
صفاء :او سورى هاى جيسى ولكم تو ايجبت
جيسى :ميرسى
صفاء :شاورتلهم يمشو معاها ومشيت قدامهم بخطوات مليانه دلال
جيسى كانت طول الوقت فاتحه بوقها وخصوصا انها اكتشفت ان صفاء بتتكلم انجلش بطلاقه
قربو ناحيه العربيه
ياسر :هى فين العربيه
صفاء داست على الريموت العربيه عملت صوت وبصو على
بعض ومش مصدقين
ركبو العربيه جيسى مندهشه من العربيه وفخامتها
ياسر :لا داحنا بقينا هاى اوووى من اين لكى هذا
صفاء :نروح ياسعادة الظابط وهعترفلك بكل حاجه وضحكو هما الاتنين وجيسى مش معاهم خالص وبتتفرج على تفاصيل
العربيه
صفاء وقفت قدام الفيلا
نزلو هما الاتنين بيبصو لبعض ومش مصدقين دخلو وراها
وهما منبهرين من اللى شايفينه
وصلو باب الفيلا وفجأه ياسر جرى واترمى فحضن سعديه
اللى كانت قاعده على الكنبه وفضل يبوس فى ايديها
ودماغها بشوق كبير جدا وهى تحضن فيه وتعيط
صفاء :كفايه بقا هتخلصو بعض
سعديه وياسر ضحكو
ياسر :بس ايه ياسوسو البت الى بقت أمر دى يخرب بيت
جمال امها
صفاء ابتسمت واتكسفت وبصت للارض وهى بترجع شعرها
ورا ودنها
جيسى :هاى سأديه اذيك
سعديه :تمام يابتى معلش سامحينى مش قادره اقوم تعبانه شويه
جيسى :لا عادى خدى راحتك
ياسر :الف سلامه عليكى يأمى
سعديه :تسلم وتعيش ياولد قلبى
جيسى دخلت تلف فى الفيلا بأنبهار وعدم تصديق
صفاء وراها
هاه عجبك زوقى
جيسى :وندرفول
صفاء :ثانكث
جيسى :وير ايذ ماى رووم
صفاء :ايتش ون اختارى اللى تعجبك
جيسى اختارت اوضه بتبص على مبنى كبير
جيسى :ايه المبنى ده
صفاء :دا مشغل بتاعى ودا سكن العمال
جيسى :واو هو المصنع ده اللى خلى عندك كل فلوس دى
صفاء ضحكت وسابتها ومشيت
نزلت صفاء عند مامتها وياسر وقعدو شويه الباب خبط
مشيت البنت الفلبينيه اللى بتشتغل عندهم تفتح
دخلت علا
علا انا جيت اوعو تكونو اتغديتو
صفاء :لسه ياطفسه هاه خلصتى شغل
علا :خلصت وخلصت وميته جوع
ياسر بيبصلها
علا :هاى انا علا وانتا ياسر حمداله على السلامه ياياسر
ياسر استغرب مين دى وعارفاه منين
صفاء بعد منتغدى هنتكلم كتير جدا
ياسر :بس اللى ميزهقش
تعليقات
إرسال تعليق