طريقة عمل كنافه بالقشطه الكدابه من الشيف فاطمة ابو حاتي

طريقة عمل كنافه بالقشطه الكدابه من الشيف فاطمة ابو حاتي

نص كيلو كنافه

نص كوب سمنه

نص كوب سكر بودر

نص كيلو لبن

كوب كريمه او قشطه

٣ معالق نشا كبار

٢كوب سيرب متوسط القوام بارد

نحط اللبن مع النشا فى حله و نقلبهم على البارد لغايه لما يدوبوا و نحطهم على النار و نقلب لغايه ما يتماسكوا و بعدها نحط الكريمه اللبانى و نطفى عليهم و كدا القشطه جاهزه .

نجيب الكنافه و تكون متجمده فى الفريزر و نفتتها و نحط السمنه عليها و نقلب كويس اوى و بعد كدا نحط السكر البودر و نقلب كويس جدا كدا كل المكونات مسكت مع بعضها نجيب صنيه مقاس ٣٢ مدهونه سمنه نحط الكنافه و نفردها و نغطى الصنيه كلها بيها و نعمل حروف فى الصنيه من الكنافه بحيث ان لما نحط القشطه متلزقش فى الاطراف و نضغط على الكنافه كويس اوى و بعدها نحط الكريمه و نفردها على الصنيه كلها و نحط باقى الكنافه و نغطي بيها الكريمه و منضغطش عليها و نجيب معلقه سمنه سايحه و نرشها على الوش هنكون مشغلين الفرن على درجه حراره ٢٢٠ فى الرف اللى فالنص و لما نلاقيها من الجوانب احمرت و لسه محمرتش من فوق شغلى عليها الشوايه لغايه ما تاخد لون و نطلعها و نجيب شربات ساقع و نسقى بيها الكنافه من فوق و نقلبها و نحط باقى الشربات و نقطعها و تتقدم