طريقه عمل القطايف البيتي للشيف فاطمه ابو حاتي

كوبين ونص دقيق

نص كوب دقيق سميد

معلقه كبيره سكر

معلقة صغيره خميره

معلقة صغيرة بيكنج بودر

ربع معلقة صغيره بيكربونات

ربع معلقه صغيره ملح

٣كوب ماء دافيء للعجن

للحشو

كوب عين جمل مجروش

معلقة صغيره قرفه

معلقة كبيره سمنه

معلقتين كبار عسل ابيض

زيت ساخن للتحمير

فستق مجروش للتزين

كوبين شربات تقيل

في الخلاط هانحط المايه وننزل بالخميره والسكر والملح والبيكنج بودر ودقيق السميد والدقيق العادي

ونخلط كويس وبعدين نضيف البيكنج صودا ونكمل خفق حتي تتجانس المكونات

نتركها ترتاح ١٠ دقايق بس ونبدأ التسويه

في طاسه غير لاصقه عالنار نتركها تسخن علي نار متوسط ونبدأ بصب القطايف حسب الحجم المطلوب

واول ماتستوي ترفع من النار وتوضع علي فوطه نضيفه وتغطي حتي لاتجف

ونكمل حتي الانتهاء من الكميه

تخلط مكونات الحشوه مع بعض ونحشي القطايف ونقفلها كويس ونحمرها في زيت ساخن حتي تاخد لون دهبي تخرج ونضع عليها سيرب تقيل او عسل ابيض

وتزين بفستق مجروش وتقدم بالهنا والشفا

موقع موسوعتى