طريقة عمل طاجن كفتة بالبشاميل للشيف فاطمة ابو حاتي

كيلو لحمه مفرومه

بصله كبيره مفرومه

معلقتين كبار بقسماط مطحون

ملح وفلفل

رشه بهارات سبعه

للبشاميل

٤معالق سمنه الهانم

٥معالق دقيق

لتر حليب

معلقتين كبار جبنه كريمي

ملح وفلفل

مكعب مرقه

للوجه

كوبين جبنه موتزيلا

كوب جبنه شيدر

للتسويه نص كيلو شرايح بطاطس رفيعه

نعجن اللحمه مع البصل والبقسماط والملح والفلفل والبهارات كويس جداً ونكورها كور متساويه

ونحمرها في معلقتين سمنه الهانم

في حله نحط السمنه والدقيق ونقلبهم عالنار شويه من غير مايلون نضيف الحليب مع التقليب المستمر

ونضيف الجبنه الكريمي والملح والفلفل ومكعب المرقه

واما يغلي نرفعه من النار

في طاجن فرن

هانحط مغرفتين بشاميل وبعدين شرايح البطاطس

وبعدين نضيف الكفته المحمره

ونصب باقي البشاميل عالوش وندخل الطاجن الفرن

ولما يبتدي يحمر نطلعه نضيف الجبنه عالوش وندخله لغاية ماتسيح وتاخد لون خفيف ويخرج يقدم ساخناً بالهنا والشفا

موقع موسوعتى