منتديات امير الظلام الماجدة اجمل قصص جريئة لابعد الحدود

 منتديات امير الظلام الماجدة اجمل قصص جريئة لابعد الحدود

القصة الاولى : حبى الثانى

فى بيت صغير فى حى من احياء القاهره الساعہ الثانيہ عشر بعد منتصف الليل تجلس فتاه .. لا يبدو عليها انها تتعدي السابعہ عشر من عمرها ما زالت فى تلك المرحلہ التى نسميها نحن مرحلہ المراهقہ .. تجلس على سريرها فى غرفتها .. تضع سمعات الاذن بأذنيها وتتحدث ويبدو عليها السعاده .. وكأن لا يوجد بالكون غيرها هى وذالك الشخص الذى تحدثہ تلفونياً .. والمحادثہ كالآتى ..

هى : الو ..

هو : الو عاملہ ايہ يا امينہ ياحبيبتى ..

أمينه بخجل : كويسہ يا احمد وانت ..

أحمد : انا بخير طول مانتى بخير ياحبيبتى

اتكسفت هي من كلمة حبيبتي التي قالها لها فكانت تشعر ان سعادة الكون كلها توجد بداخلها

احمد : لسه بتتكسفي مني ياحبيبتي

أمينه بكسوف : لا عادي

احمد : يااه يا امنيه انا مش عارف انتي عملتي فيا ايه انتي خدتيني من نفسي والدنيا كلها انا بحبك اوي انا مش مصدق انك وافقتي نرتبط من يومين لما قولتيلي انك موافقه كنت فرحان جدا انا بحبك اوي

امينه بكسوف : وانا كمان

احمد : وانتي كمان اي

امينه : انا كمان وخلاص

احمد : قوليها بقي

امينه : مش عارفه مش عارفه اقولها

احمد : يالا هاا انا كده هزعل

امينه : لا لا لا خلاص بحبك 🙈

احمد : وانا بموت فيكي

امينه : عارف يا احمد انا رغم اني اعرفك من ع الفيس بس بجد حبيتك اوي حبيت اهتمامك بيا حبيت حبك ليا سؤالك عني وقفتك جنبي لما اكون متضايقه لقيت فيك كل حاجه مش لاقياها مع اهلي انا اول مرة ف حياتي اكلم ولد واحب اوعي تسيبني

احمد : لا اسيبك اي انا مصدقت لقيتك واستحاله اسيبك وبإذن الله اجي اخطبك قريب

امينه : بجد يا احمد

احمد : بجد ياروح احمد وفضلوا ع كده طول الليل يتكلموا ويحبوا ف بعض

ف مكان تاني وبيت تاني تجلس فتاة أمام اللاب توب الخاص بها تبدو ف السابعة عشر من عمرها ايضا وفجأه رن هاتفها من شخص كانت تتمني اتصاله بفارغ الصبر

أدم : ازيك يا إسراء

إسراء : تمام يا أدم وانت

أدم : الحمدلله اخبارك اي

إسراء : ماشي الحال وانت

أدم : الحمدلله ع كل حال ها يومك كان عامل ازاي النهارده

ظلت تقص عليه تفاصيل يومها وهو كذلك ولكن هي تنتظر منه اعتراف واحد سيغير لها حياتها ولكنه لا يريد ان يعترف لها بذلك الأن

أدم : إسراء انا عاوز اعترفلك بحاجه

إسراء بلهفه : قول

أدم : بصي يا إسراء انا مش بتاع لف ودوران انا هدخل ف الموضوع ع طول انا بحبك يا اسراء بقالي كتير انا مكنتش حابب اعترفلك بده دلوقتي الا لما اكون قادر اخطبك واخليكي ليا رسمي بس بصراحه احنا حالتنا الماديه مش ال هي انا مكنتش عاوز اعترفلك دلوقتي بس خوفت تضيعي مني

إسراء : هششش انا بحبك يا أدم من زمان وهفضل معاك لاخر يوم ف عمري ومش هسيبك مهما حصل

أدم بفرحه : بجد يا إسراء

إسراء : بجد يا أدم 🙈

أدم : ربنا يخليكي ليا يارب واقدر اسعدك واخليكي ليا

إسراء : يارب يا أدم ويخليك ليا

وظلو يتحدثون طوال الليل

بعد اسبوع من محادثات طويله طوال الليل ومر حوالي شهرين هكذا ع حالة كل اثنين

أحمد : ألو يا أمينه

أمينه بحزن : ألو يا احمد

أحمد : عامله اي

أمينه بانكسار : يعني مش عارف عامله اي بقالي اسبوعين كل اما اتصل عليك مغلق يا اما مفتوح ومابتردش ولما ترد تقولي ثواني هرد ع اتصال وتقفل وماتردش انا مبقتش فاهمه حاجه

أحمد : بصراحه بقي يا أمينه انا مليت من علاقتنا دي

أمينه بعياط : ملييت !!

احمد : ايوه مليت لا بنخرج ولا شوفتك حتي كل كلامنا مقتصر ع الفيس والفون انا زهقت

أمينه : يعني إي

أحمد : يعني انا خلاص زهقت م العلاقه دي وكل شئ قسمه ونصيب بكرة تلاقي الاحسن مني

أمينه بعياط : بس انا مش عاوزة احسن منك انا عاوزاك انت !!

أحمد : أسف وياريت ماتحاوليش تكلميني تاني انا عاوز واحده من مقامي وغنيه نخرج ونتفسح ونروح مش ال ع قد حالهم و تقولي حرام سلام يا أمينه

وقفل السكه ف وشها وراح يكلم بقيت ال بيرسم عليهم نفس لعبة امينه أمينه بالنسباله مكانتش الا حاجه مكانش عارف يوصلها ولما وصلها مل منها بس بعد ناعلقها بيه ماهي دي مهنته

انهارت أمينه وحست ان الدنيا كلها بقت ضدها ليه الانسان الوحيد ال حبته ووثقت فيه يعمل معاها كده انا ال غلطت م الاول اني صدقته انا حياتي مش هتقف عليك يا احمد وبكرة تندم علي ال عملته معايا

-----------

أما عند أدم وإسراء

أدم : ازيك ياسو

إسراء : الله يسلمك وانت عامل ايه

أدم : الحمدلله

إسراء : أدم ممكن اسألك سؤال !

أدم : أكيد

إسراء : انت ازاي حبيتني كده ازااي من غير ماتشوفني او نخرج نتكلم وش لوش !!

أدم : عشان انا محبتش شكلك انا حبيت روحك شخصيتك اسلوبك انا الشكل عندي مايفرقش معايا ف حاجه

إسراء : بس انا مليت م كده انا عاوزة نخرج نتقابل نروح ونيجي اشوفك كده انما احنا كل كلامنا ف الفون وبس بتكلمني كل اسبوع مرة تتطمن عليا وبس ازاي كده

أدم : عشان انا بخاف ربنا يا إسراء يضرني فيكي او ف اي حد ف اخواتي وكمان انا مش عاوز اعمل حاجه تغضب ربنا يكفيني بكلمك اطمن عليكي وبس لحد ماربنا يقدرني واقدر اخليكي حلالي وساعتها هعملك كل ال انتي عاوزاه ربنا يعلم انا بعمل اي عشانك انا بشتغل ليل ونهار بشتغل شغلانتين ف اليوم عشانك متنسيش ان انا شايل مسئوليه امي واخواتي وبعمل ال ربنا بيقدرني عليه وانتي وعدتيني تقفي جنبي !

إسراء : لا بس انا خلاص زهقت مش هقدر اكمل كده

أدم : يعني إييه

إسراء : يعني كل شئ قسمه ونصيب أسفه مش هقدر اكمل معاك

أدم : بس انا بحبك !

إسراء : حبك مش هيعملي حاجه وكمان انا عاوزة واحد غني ويخرجني ويفسحني زي بقيت صحابي

أدم ; بس لحد هنا وكفايه يابنت الحلال سلام

إسراء : سلام

وقفلت معاه اسراء وراحت لشلتها واتصاحبت ع واحد يخرجها ويفسحها ونسيت أدم أدم بالنسبالها مكانش الا فترة لأنه هو الوحيد ال معبرهاش أو مدلوق عليها زي الباقي كان عاوز يخليها حلاله بس هي مفهمتش كده وكملت طيشها ال بتعمله !

----------

بعد 5 سنين

الام : امينه يالا العريس وصل

خرجت امينه مع مامتها وواثقه انها هترفض الخطوبه بس ال حصل غير ال هي متوقعاه

خرجت امينه اول مابصت للعريس حست براحه نفسيه غريبه وساب الاهل امينه مع العريس يتعرفو ع بعض

العريس : انتي اسمك امينه صح !

امينه : ايوه

العريس : وانا أدم 😊

أمينه : تشرفنا

وقعدو يتكلموا شويه والاتنين حاسين براحه نفسيه كبيرة

ادم : انتي حبيتي قبل كده يا أمينه !

امينه بصتله باستغراب

ادم : متخافيش انا بس عاوزك ماتخبيش حاجه عشان بإذن الله لو حصل نصيب تبقي كل حاجه ع نور انا ياستي عن نفسي حبيت من خمس سنين واحده وعشت معاها اجمل قصه حب كنت بشتغل ليل ونهار عشانها بس للأسف عشان انا كنت ع قد حالي ماوافقتش وسابتني وقالتلي انها عاوزة واحد غني انتي عارفه كلامها ده ال اداني الحافز اني ابقي الشخص ال قدامك ده رجل الاعمال المشهور أدم منصور شوفتي بقي بس الحمدلله انا دلوقتي حرجتها بره حياتي 😊

ارتاحت امينه لكلامه ونسيت كل حاجه وحكتله ع تجربتها مع احمد واتقبلها بكل هدوء وفعلا ارتاحوا لبعض واتخطبوا واتجوزو ودلوقتي بيعشقوا بعض ومعاهم حور 🙈🙈

اما بقي إسراء اتجوزت شخص غني زي ماكانت عاوزة بس مش لاقيه الراحه معاه كل يوم عايشها مع واحده شكل وسايبها وبتلعن اليوم ال اتجوزته فيه وبتندم ندم عمرها ع ال عملته مع أدم وبتتمني الزمن يرجع بيها لورا عشان تتأسفله ع كل حاجه حصلت منها تجاهه

اما احمد بعد ما اتجوز اكتشف ان مراته بتخونه مع اعز صاحب ليه وساعتها حس ان ربنا بيخلص منه ذنب امينه وذنب كل البنات ال ضحك عليهم بإسم الحب وبيتمني يلاقي امينه ويعتذرلها ويقولها انه بيحبها بجد بس للأسف الوقت نفذ 😊

----------

ال عاوزة اوصله م القصه دي ان مش كل الولاد خاينين ولا كل البنات خاينين زي مافي الحلو في الوحش اوعي دايما تبص للغني لانه مش كل حاجه متضحكش ع البنات بإسم الحب لان كما تدين تدان هتقول معنديش اخوات هيتردلك ف اعز ماليك يا مراتك يابنتك أوعي ابدا تسيبي واحد حاول يعمل كل حاجه عشانك وضحي عشانك وتقولي لا انا عاوزة واحد يخرجني ويفسحني مش عاوزة واحد ع قد حاله لأنك هتندمي ف الاخر ف يوم ال ع قد حاله ده هيبقي احسن م الكل

وانتو قربو من ولادكم افهموهم حبوهم عشان ممكن بسبب اهمالكم يروحوزيدورا ع الحنان والامان بره اوعو تلموهم ع كده لان انتو هتبقو السبب ف ضيعانهم صدقوني وانتي اوعي تصدقي واحد يقولك بحبك الا لو كان بيعمل المستحيل عشان يوصلك وال بيحبك بجد هيخاف ربنا فيمي ويتقي ربنا ف كل حاجه بيعملها عشان تبقي ليه هو وبس

مش دايما الحب الاول بيكون اول حب ف حياتنا الحب الاول ده بيبقي زي تجربه كده بتجربي بيها عذاب الحب ومشاكله وف الاخر بيبقي حلو بس ده لو ماحدش ف الطرفين قرر ينسحب

خليكي واثقه دايما ان ربنا عمره مابيعمل حاجه وحشه فيكي بالعكس ده بيختبر صبرك عاوزك تقربي منه وتشتكيله وتقوليله يارب وبيبقي عاينلك الاحسن بس انتي اصبري 😍

الخلاصه : كما تدين تدان 😉👍

القصة الثانية :حب الميديا

القصة الثالثة : انا والظلام