طريقة عمل مندي الدجاج السريع الشيف فاطمة ابو حاتي

٢فرخه مسلوقه نص سوا ومتقطعه ارباع(في جزره وبصله وطماطم وكرفس وملح وفلفل وحبهان ومستكه)

للتتبيل بعد السلق

ملح وفلفل

معلقة كبيره بهارات مندي

معلقتين كبار زيت

معلقتين كبار عصير ليمون

رشه قرفه

رشه زعفران

للارز

٤كوب ارز دهبي بسمتي مغسول ومنقوع نص ساعه

عودين قرفه ٢لومي ٢ورق لاورا ٥حبهان وقرنفل

٨اكواب شوربه الفراخ المغلي

مكعب مرقه

بصله كبيره مفرومه

جزره مبشوره

٢قرن فلفل احمر واخضر

معلقتين كبار زبده

ملح

زيت

للتزيين

اوراق كسبره خضرا

كوب كاجو محمر

تقطع الفراخ المسلوقه وتخلط مقادير التتبيله ونتبل بيها قطع الفراخ

في صينية فرن عالنار هانحط البصله في الزبده والزيت ونقلبهم مع بعض كويس

نضيف البهارات الصحيحه ونشوحها لغاية ماتطلع ريحتها

نضيف الارز ونشوحه مع البصل لغاية مايسخن نضيف الجزر ومكعب المرقه والشوربه المغليه والملح

نحضر ورق الومنيوم ٣طبقات علي بعض نغطي بيهم الارز ونعمل اخرام في الفويل باستخدام استيكس

نرص قطع الفراخ المتبله ونغطي تاني بورق الومنيوم

ندخل الصينيه في فرن علي الارضيه ١٠دقايق وبعدين نرفعه عالرف الاوسط حتي تمام النضج لمده نص ساعة

بعد الانتهاء من التسويه نرفع ورق الالومنيوم ونحط طبق صغير جدا فيه معلقه سمنه وفحمه مشتعله ونغطي كويس جدا حتي ياخد الارز والفراخ ريحه الشواء

ويقدم بالهنا والشفا

موقع موسوعتى