طريقة عمل ورقة الكفته فاطمة ابو حاتي
مقادير ورقة الكفته فاطمة ابو حاتي
- كيلو لحمه مفرومه ناعم
- بصله كبيره مفرومه ناعم
- معلقة صغيره توم مفروم
- ملح وفلفل
- معلقة صغيرة بهارات سبعه
- للصنيه
- نص كيلو بطاطس مكعبات
- نص كيلو بصل جوانح
- نص كيلو فلفل الوان شرايح
- نص كيلو جزر شرايح
- معلقتين كبار صلصه
- كوب مايه دافيه
- ملح وفلفل وكمون
- معلقتين سمنه
- للتقديم
- عيش بلدي طازه
- سلطه طحينه
- مخلل
الطريقة تحضير ورقة الكفته فاطمة ابو حاتي
- نخلط اللحمه المفرومه مع البصل والتوم والملح والفلفل والبهارات ونعجنهم كويس ونشكلهم كور
- في صينيه فيها قليل من الزيت نحمر كور الكفته كويس جداً
- نرفعها من الصينيه ونحط مكانها الخضار ونشوحه كويس جداً
- نتبل الخضار بالملح والفلفل والكمون
- نحضر صينيه نفرشها ورق الومنيوم وورق زبده ونحط فيها الخضار والكفته ونقلب الصلصه في المايه المغلي ونوزعها عالكفته ونقفلها تاني بورق زبده وورق الومنيوم
- ندخل الصينيه في فرن حار حتي يكتمل السوا وتقدم ساخنه
تعليقات
إرسال تعليق