طريقة عمل مسقعه بالبشاميل للشيف فاطمة ابو حاتي
مقادير مسقعه بالبشاميل فاطمة ابو حاتي
نص كيلو لحمه مفرومه
٢كيلو باذنجان رومي متقشر ومتقطع بالطول ومتحمر
٣بطاطس كبيره متقشره ومتقطعه دواير ومتحمره
٣فلفل رومي متقطع جوليان
بصله كبيره مفرومه
معلقة كبيره توم مفروم
٢فلفل حامي متقطع ترنشات
٢كوب طماطم مفرومه
٢معلقة كبيره صلصه
ملح وفلفل معلقة صغيرة كمون وكسبره
رشه سكر
للبشاميل
٦معالق دقيق
لتر ونص حليب
٤معالق زيت
كوبين جبنه موتزريلا
مكعب مرقه
للتقديم بوله ارز ابيض مستوي
بقدونس اخضر
ترنشات فلفل احمرر
الطريقة تحضير مسقعه بالبشاميل فاطمة ابو حاتي
يرش الباذنجان بالملح وقليل من الدقيق ويحمر في الزيت الساخن ويخرج علي مناديل مطبخ لامتصاص الزيوت الزياده
في طاسه هانحط معلقتين زيت ونشوح البصل والتوم قليلا ثم نضيف اللحمه المفرومه تتعصج وبعدين نضيف الفلفل البارد والحامي ونقلبهم مع بعض ثم نضيف الصلصه والطماطم
مع اضافه البهارات كلها والملح والسكر ونسيبهم يتسبكوا كويس اوي لغايه ماتجف المايه
في حله هانحط ٤معالق زيت ومعاهم الدقيق ونقلب دقيقه ثم نضيف الحليب تدريجيا مع التقليب المستمر حتي نحصل علي قوام متوسط بدون تكتلات نتبل بالملح والفلفل ونضيف مكعب مرقه
في طاجن بايركس هانحط طبقه رفيعه من البشاميل ونرص طبقه من الباذنجان والبطاطس ثم نضيف اللحمه
ثم طبقه اخري من البطاطس والباذنجان واخيرا ًباقي البشاميل وندخل الطاجن الفرن عالرف الاوسط حتي تبدأ تحمر نضيف الجبنه الموتزريلا عالوجه لغاية ماتسيح ونخرجها مباشره وتقدم بالهنا والشفا
تعليقات
إرسال تعليق