طريقة عمل البصارة الشيف فاطمة أبو حاتي

طريقة عمل البصارة الشيف فاطمة أبو حاتي

نص كيلو فول مدشوش ومتنقي (مغسول ومنقوع ٦ساعات عالاقل)

نص كوب شبت

نص كوب كسبرة خضرا

نص كوب بقدونس

معلقة كبيره ملوخيه ناشفه

بصله كبيره متقطعه مكعبات كبيره

فصين توم

للتقليه

٣معالق كبار سمنه بلدي

بصله كبيره متقطعه مكعبات صغيره

معلقة كبيرة توم مفروم

معلقة كبيره كسبرة ناشفه

معلقة كبيره دقيق

للتقديم

عيش بلدي

مخلل مشكل

جرجير

ينقي الفول ويغسل وينقع ليلة كامله او عالاقل ٦ساعات

يصفي ويشطف ويوضع في حله عالنار مع تغطيته بالماء المغلي يترك يغلي وينزع الريم كلما ظهر ونهدي النار ونتركه نص ساعه ثم نضيف البصل وفصين التوم والخضره والملوخيه ونسيبهم يكملوا تسويه حتي ينضج الفول تماماً

نزود ماء مغلي كلما احتاج الامر

بعد ان ينضج الفول نضرب البصاره في الخلاط او بالهاند بلندر حتي نحصل علي قوام ناعم وسميك نوعاً ما

نرجعه تاني عالنار مع مراعاة تقليبه حتي لايلتصق بالحله

في طاسه عالنار هانحط السمنه ونحمر البصله بعد دعكها بالملح والدقيق

ولما تاخد اللون الدهبي نضيف التوم ونقلبهم مع بعض حتي نحصل علي لون للبصل والتوم نضيف الكسبرة ونقلبها تقليبه

ناخد نص كمية التقليه في طبق جانبي وباقي التقليه نضيفها عالبصاره واول ماتغلي

نغرفها في اطباق التقديم ونزينها بباقي التقليه وتقدم بالف هنا وشفا