عمل الفراخ المسلوقه بطريقتين للشيف فاطمه ابو حاتي
مقادير الفراخ المسلوقه فاطمه ابو حاتي
فرختين وزن كيلو ونص متنضفين كويس ومنقوعين في (لترين مايه ونص كوب خل ونص كوب دقيق ومعلقتين كبار ملح ) لمدة ساعه
للسلق
٢جزره
٢بصله
٢طماطم
عودين كرفس
٤فصوص توم (حبهان مستكة فلفل حصي ورق لاورا معلقة صغيرة سكر وملح )
للتقديم
بقدونس مفروم
شرايح طماطم
شرايح برتقال
شرايح فلفل
طريقة السلق الاولي
نغلي مايه ونضيف ليها جزره وطماطمايه وبصله وفصين توم وعود كرفس
وملح وفلفل وحبهان وورق لاورا ومستكة ومعلقه صغيره من السكر
ولما تغلي كويس نشطف الفرخه كويس ونحطها ونغطي عليها ولما تغلي ٥دقايق نهدي النار خالص
لغاية ماتستوي
طريقة السلق التانيه
للحصول علي شوربه اقوي
هانحط مايه من الحنفيه في حله وهانحط معاها الفرخه بعد ماتتشطف كويس
ونغطي ونسيبها تغلي ولما تغلي نبدأ في نزع الريم اللي هايظهر
وبعدين نضيف جزره وبصله وفصين توم وعود كرفس وطماطمايه
والملح والفلفل واللاورا والحبهان والمستكه والسكر
ونهدي النار ونسيبها تستوي علي نار هاديه
للتحمير
الطريقة الاولي في الفرن
نص كوب كاتشب
معلقتين زيت
معلقة كبيره عسل
ملح وفلفل معلقة صغيره بهارات سبعه
نخلط المكونات وندهن بيها الفراخ كويس وندخلها الفرن تحت الشوايه لغايه ماتتحمر وتقدم
الطريقة التانيه عالنار
معلقتين كبار سمنه
معلقتين كبار زيت
فصين مستكة
ملح وفلفل
لابد من ترك الفراخ تبرد تماماً
ننشفها من الشوربه كويس
ونحط السمنه والزيت عالنار يسخنوا كويس جداً
نحط فصين مستكه ورشة ملح
وننزل الفراخ نحمرها من جميع الجوانب
واول ماتتحمر نرشها بملح وفلفل وتقدم
تعليقات
إرسال تعليق