طريقة عمل وزة محشية الشيف فاطمة ابو حاتي
مقادير وزة محشية
وزه كبيره متنضفه كويس جدا
كميه من ارز الخلطه السابقه
لتتبيل الوزه
ملح وفلفل
بصله مبشوره
رشه حبهان بودر
رشه قرفه
معلقة صغيره سكر
للتسويه
كيس حراري كبير
ربع كيلو (بصل طماطم جزر )متقطعين ارباع
عودين كرفس مفروم
معلقتين كاتشب
كوبين مايه مغليه
للتزيين
شرايح فلفل اخضر واصفر
ورده طماطم
جزر مبشور
الطريقه تحضير وزة محشية
تغسل الوزه جيدا من الداخل والخارج وتنقع ساعتين في ماء به معلقتين كبار ملح ومعلقتين كبار سكر ومعلقتين كبار دقيق ومعلقتين كبار خل وشرايح ليمون او برتقال للتخلص من اي زفره
تشطف الوزه جيدا وتصفي
ندعك البصله جيدا بالملح والسكر والبهارات ونتبل بيها الوزه من جوه وتحت الجلد ومن بره كويس
نحشي الوزه بالارز البسمتي باللحمه المفرومه والمكسرات نخيط الوزه جيدا وندهنها بالكاتشب ونعمل فتحات في ضهر الوزه ببوز سكينه رفيعه
ندخل الوزه في الكيس الحراري مع البصل والجزر والطماطم والكرفس ونقفل الكيس
نحطه في صينيه فرن مع ماء مغلي ونعمل فتحتين صغيرين خالص في الكيس وندخل الصينيه الفرن بدون تشغيل الشوايه عالارضيه ولما تغلي كويس نرفعها عالشبكه حتي تمام النضج بتاخد في الفرن من ياعه ونص لساعتين
تخرج وتقدم بالهنا والشفا
تعليقات
إرسال تعليق