طريقة عمل ممبار بوبس الشيف فاطمة ابو حاتي
مقادير ممبار بوبس فاطمه ابو حاتي
نص كيلو ممبار متنضف كويس جدا (منقوع في مايه وملح وخل )ويشطف جيدا
٣كوب ارز مصري مغسول ومتصفي (ارز الضحي)
٢بصله مفرومه ناعم
كوب بقدونس مفروم
كوب كسبره مفرومه
كوب شبت مفروم
٢كوب طماطم متصلصه(هاينز)
معلقتين كبار صلصه
نص كوب زيت
واحد فلفل احمر حامي مفروم
ملح (معلقة صغيره فلفل كمون كسبره بهارات سبعة سكر )رشه قرفه
للتسويه
جزره طماطم بصله متقطعين ارباع
ملح وفلفل حبهان ورق لاورا عود قرفه
للتقديم
بقدونس
طماطم وره
شرايح فلفل
(ملح وفلفل كمون كسبره شطه)معلقة صغيره من كل حاجه
الطريقه تحضير ممبار بوبس فاطمه ابو حاتي
ندعك البصل بكل البهارات والملح والسكر
نضيف الخضره والارز والفلفل الحامي والصلصه والطماطم والزيت ونقلب كويس جدا
الممبار لازم يكون متنضف كويس جدا ومغسول ومنقوع في مايه وملح وخل وبعدين نشطفه كويس عشان نستخدمه
نحشي الممبار بالخلطه ونحرص اننا نبططه عشان ويبقي الخلطه مش كتير عشان ياخد راحته في السوا
نبدأ نجيب خيط ونربط الممبار كل ٥سم ربطه كويسه والاطرف كمان تتربط نعمل خرم في كل واحده باستيكس خشب
نحط حله عالنار فيها مايه بتغلي ونضيف لها مكونات التسويه
نحط فيها حبل الممبار يغلي علي نار عاليه وبعدين نهدي النار لمده ٤٥دقيقه حتي تمام النضج
يخرج من المايه ويقطع ونشيل الخيط
في طاسه عالنار هانحط زيت وسمنه ونحط رشه من الملح ونحمر الممبار كويس
ويقدم علي فرشه من البقدونس ويرش بخليط الملح والفلفل والكمون والكسبره
تعليقات
إرسال تعليق