طريقة عمل اللازانيا بطريقة جديدة الشيف فاطمة ابو حاتي
مقادير اللازانيا بطريقة جديدة
باكيت لازانيا مسلوقه تلتين سوا
٢كيلو شرايح باذنجان متحمره (شرايح بالطول مرشوشه دقيق وملح ومتحمره )
نص كيلو سجق مسلوق ومتقطع
بصله مفرومه
معلقة كبيره توم مفروم
٢فلفل الوان احمر واخضر مفرومين
واحد فلفل حامي مفروم
٤اكواب بيوريه طماطم
معلقتين كبار صلصه
معلقة روز ماري مفروم
جزره مبشوره
ملح وفلفل (معلقة صغيره كمون كسبره. فلفل اسود سكر )
مكعب مرقه
للوايت صوص
لترين حليب
٦معالق كبار
٤معالق زيت
٤معالق جبنه كريمي
للوجه
نص كيلو جبنه موتزريلا وشيدر
بقدونس وروز ماري للتزيين
الطريقه تحضير اللازانيا بطريقة جديدة
في طاسه عالنار هانحط ٤معالق زيت وننزل بالبصل والتوم ونشوحه كويس جدا
نضيف السجق ونشوحه مع البصل والتوم دقيقتين
نضيف الصلصه والطماطم وكل التوابل والملح والروز ماري ومكعب المرقه ونسيبهم يتسبكوا كويس
ولما يتسبكوا نضيف كوب ماء مغلي ولما يغلوا نرفعه من النار
في حله عالنار هانحط ٤معالق زيت والدقيق ونقلبهم كويس جدا وننزل بالحليب بالتدريج حتي الحصول علي قوام متوسط السمك نتبل بملح وفلفل ونضيف الجبنه ونقلب ونرفع من عالنار
نحضر قالب فرن مستطيل نحط طبقه من الباشاميل
ونرص عليها اللازانيا وبعدين طبقه من الباذنجان ثم طبقه من السجق بالصلصه ثم طبقة من اللازانيا
ونكرر حتي الانتهاء من الكميه وعالوش يكون اخر طبقه من اللازانيا والبشاميل
ندخل الطاجن الفرن ولما يبدا ياخد لون نبدأنحط الجبنه تسيح ويخرج ويقدم مباشره بالهنا والشفا
تعليقات
إرسال تعليق