طريقة عمل المكمورة الأردنية للشيف فاطمه ابو حاتي

للعجينه

كيلو دقيق ابيض

نص كيلو دقيق اسمر

نص كوب سمسم وحبة البركة

معلقة صغيره ملح

ماء دافي للعجن

للحشو

فرختين مسلوقين ومنزوعين العضم

٢كيلو بصل متقطع مكعبات متوسطه

كوبين زيت زيتون

ملح

معلقة كبيره كمون معلقة كبيره فلفل اسود

رشه كركم ورشه قرفه

للفرد

كوب زيت زيتون

للتزيين

شرايح فلفل الوان

شرايح ليمون اضاليا

شرايح طماطم

بقدونس مفروم

في العجان هانحط الدقيق الابيض والاسمر والملح والسمسم وحبه البركه ونقلبهم كويس

نحط المايه تدريجيا للحصول علي عجينه لينه ولاتلتصق باليد نكور العجينه ٨كور وتغطي وتترك ترتاح

نضع البصل مع زيت الزيتون والبهارات عالنار لغاية مايدبل مع التقليب من وقت لاخر

نخلي الفراخ من العضم وتقطع وتضاف الي البصل وتقلب وتترك تبرد

نحضر صينيه فرن نفرشها بورق الومنيون وندهنها بزيت الزيتون ناخد كره عجين ونفردها بالزيت لغاية ماتبقي رقيقه

نضعها في قاع الصينيه ونفرد ٣كور ونحطهم علي اطراف الصينيه بحيث يكون في جزء في الارضيه والباقي خارج الصينيه عشان نقفل بيه

نضع جزء من حشوه الفراخ والبصل ونوزعها كويسه

نفرد كوره تانيه ونحطها عالحشوه وبعدين نحط كميه من الحشوه ثم نفرد كوره عجين ونحطها عالحشو حتي ننتهي من الكميه

نقفل العجينه كويس جدا ونعمل فتحات ببوز السكينه

نصب حوالي نص كوب زيت زيتون علي المكموره

ونغطي بورق الومنيوم

ندخلها فرن علي درجه حراره ١٨٠ربع ساعه

نهدي الفرن ونخليه علي ١٥٠ هاتقعد في الفرن ساعتين ونصف

موقع موسوعتى