طريقة عمل طاجين اللحم بالبرقوق للشيف فاطمه ابو حاتي

كيلو لحم ضان من الفخذ بالعضم مقطعه

بصله كبيره مفرومه خشن

معلقة كبيره توم مفروم خشن

نص كوب زيت زيتون

معلقة صغيره من توابل راس الحانوت

معلقة صغيره جنزبيل وكركم وكسبره ناشفه

ملح وفلفل

ربع كيلو قراصيا كبيره

عودين قرفه خشب

معلقتين سكر

كوب مايه

للتقديم

معلقتين سمسم محمص

كوب لوز انصاف

نتبل قطع اللحمه بالبهارات والفلفل وقليل من زيت الزيتون

في طاسه هانحط باقي زيت الزيتون ونشوح اللحمه جيدا من الناحيتين

نرصها في طاجين ونضيف عليها البصل والتوم ونغطيها ونسيبها علي نار هاديه حتي تدخل في السوا

نضيف الملح ونقلبها ونتركها تكمل التسويه

اذا احتاجت ماء نضيف قليل حتي تمام النضج

في هذه الاثناء نحط القراصيا مع الماء والسكر والقرفه ونسيبهم عالنار لغايه مايتكرمل

ناخد القراصيا ونحطها علي وش الطاجينه وناخد من الصوص بتاعها معلقتين تلاته نضيفهم للحمه

نحمر اللوز ونحمص السمسم ونزين بيه الطاجين ويقدم بالهنا والشفا

موقع موسوعتى