طريقة عمل صينية قرع العسل الحلو بالبشاميل

طريقة عمل صينية قرع العسل الحلو بالبشاميل

نص كيلو قرع عسل

100 جرام زبدة سايحة

½ كوب دقيق

2 كوب سكر

كوب ونص لبن المراعي

نص كوب كريمة المراعي

عصا قرفة ( إختياري)

2 بيضة

قطعي القرع لمكعبات، وحطيهم في حلة مع كوب سكر وماية كافية عشان تغطي طبقة القرع ومعاهم القرفة لو هتستخدميها، إطبخيها على درجة حرارة قليلة لحد ما القرع يستوي.

شيلي القرع وسيبي 2 كوب من السائل في الحلة وضيفي للسائل الدقيق، وضيفي عليهم كوب سكر ولبن والكريمة وفي نفس الوقت قلبي الخليط.

ضيفي البيض وقلبي لحد ما الخليط يبقى ناعم، عشان تحلي بشاميل القرع ضيفي قطع قليلة من القرع وإهرسيهم.

ضيفي الزبدة السايحة وقلبي مرة أخيرة الخليط، إهرسي باقي مكعبات القرع، ضيفي أقل من ثلث بشاميل القرع في طبق بيدخل الفرن، وضيفي عليهم طبقة القرع المهروس وبعد كدة باقي البشاميل.

وحطيها في الفرن لحد ما وشها ياخد لون دهبي