طريقة عمل الكباب الحله بالكريمه والجبنه للشيف فاطمة أبو حاتي

كيلو لحمة مكعبات صغيرة من السن

كيلو بصل مفروم خشن

معلقة توم شرايح

٢طماطم مبشوره

٢فلفل حامي ترنشات

معلقتين كبار سمنه

معلقة كبيره سكر

البهارات (ملح وفلفل بهارات سبعه رشه حبهان بودر )

كوب كريمه

نص كيلو جبنه موتزريلا وشيدر

للتقديم

عيش بلدي متقطع مثلثات ومتحمص

مخلل مشكل

نضع السمنه تسخن كويس جداً ونضيف عليها البصل والسكر ولما يتكرملوا نضيف مكعبات اللحمه

والتوم والطماطم والفلفل والبهارات ونغطي ونسيب اللحمه تستوي علي بخارها

لو احتاجت مايه نضيف حبه بحبه وتكون مايه مغليه ونضيف الملح

لما تستوي اللحمه نضيفلها الكريمه ونفضيها في طاجن

ونوزع الجبنه عالوش

وندخله الفرن علي درجة حراره ٢٠٠عالرف الاوسط حتي تمام النضج وحتي ياخذ لون دهبي

يقدم ساخناً مع الخبز المحمص

موقع موسوعتى