طريقة عمل المدلعة للشيف هالة فهمي
مقادير المدلعة
١-صوص الكراميل الاقتصادي
كوب سكر
كوب لبن سخن
م ك زبده
فانيليا
كرملي السكر علي النار وحطي عليها م زبده و اللبن وهو سخن وسيبيهم يغلو علي نار هاديه
سيبي الصوص يبرد قبل الاستخدام
٢-طبقه الكنافه
ربع كيلو كنافه
نصف كوب سمنه سايحه
ربع كوب سكر بودر
شربات خفيف بارد
قطعي الكنافه صغير اوي وعليها السكر البودر والسمنه وقلبيهم مع بعض
حطي الكنافه في صينيه مدهونه واكبسيها بصينيه اصغر ودخليها الفرن تتحمر فوق وتحت
٣-طبقه البسبوسه
نص كيلو دقيق سميد
كوب لبن
كوب سكر
كوب الا ربع سمنه
٢م ك جوز هند
شربات خفيف
كريم شانتيه مخفوق تقيل
سوداني مجروش
طريقة تحضير المدلعة
دفي اللبن والسكر والسمنه علي النار
حطي دقيق السميد وجوز الهند مع بعض وعليه خليط اللبن والسكر والسمنه وقلبيهم مع بعض
حطي خليط البسبوسه في صينيه ودخليها الفرن تاخد سواها
الشربات الخفيف :
كوب ماء
كوب سكر
م ص عسل جلوكوز
حطيهم علي النار لحد مايغلي
اقلبيهم صينيه الكنافه في طبق التقديم واسقيها بالشربات وعليها طبقة كريم شانتيه والسوداني المجروش وعليها اقلبي البسبوسه واسقيها شوية شربات خفيف وعليها طبقة من الكريم شانتيه وصوص الكراميل اللي عملنها وجرنشيها بالشيكولاته البيضا والغامقه
تعليقات
إرسال تعليق