طريقة عمل الرشتة بالدجاج الجزائرية للشيف فاطمه ابو حاتي
مقادير الرشتة الجزائرية
كوبين دقيق سميد ناعم
كوب دقيق ابيض
معلقة صغيره ملح
مايه للعجن
طريقه تحضير الرشتة الجزائرية
نخلط الدقيق والسميد والملح مع بعض كويس جدا
نضيف المايه تدريجيا للحصول علي عجينه متماسكه
نعجنها كويس جداً
نتركها ترتاح ربع ساعه ثم تقطع كور بحجم الليمونه
تفرد كل كوره بشكل بيضاوي مع وضع الدقيق فوق وتحت العجينه
ناخد كل واحده نفردها في الماكينه علي رقم ٤
ثم ترص علي قماشه ونرشها بالدقيق من فوق وتحت ونكرر مع الباقي
ثم ناخد كل واخده نفردها علي رقم ٦ ونرصها علي القماشه مع رشها بالدقيق من فوق وتحت ونكمل بنفس الطريقه حتي الانتهاء من الكميه
نرجع نفردهم تاني علي رقم ٨ مع الاهتمام برش الدقيق عشان ينشف العجينه
نسيبهم مفرودين علي القماشه لغايه ماينشفوا ١٠دقايق من ناحيه نقلبهم الناحيه التانيه ١٠دقايق
ثم ناخد كل واحده وندهنها بالزيت وندخلها تتقطع في الماكينه عالناحيه الضيقه
نحضر حله نصها مايه بتغلي وفوقها مصفاه ونحط فيها قليل من الرشته ونفورها حوالي ٣دقايق
نرفعها من المصفاه ونحط غيرها حتي الانتهاء من الكميه كلها
تحفظ في اكياس في الفريزر لوقت الحاجه
تقدم حلو وحادق حسب الرغبه
الرشته بالدجاج
مقادير الرشتة بالدجاج الجزائرية
فرخه متقطعه ٨قطع
بصلتين مفرومين
معلقتين كبار سمنه
ملح وفلفل
عودين قرفه
٦جزره سليمه متقشره
٦كوسه سليمه
كوب حمص مسلوق
معلقتين كبار ماء زهر
كوب دقيق للفرد
طريقه تحضير الرشتة بالدجاج الجزائرية
في حله عالنار هانحط السمنه تسخن كويس ونشوح الفراخ ثم نضيف البصل والبهارات ونغطي ونسيب الفراخ تستوي في البخار
نزود الفراخ مايه مغليه ونضيف معاها الجزر والكوسه
ولما تستوي الفراخ نطلعها نحمرها تحت الشوايه
نحضر حله فيها مايه فوقها مصفاه نحط كميه الرشته اللي محتاجينها بعد مانكون قلبناها بمعلقتين كبار زيت
نسيبها ٥دقايق
نبدا نضيف عليها نص كوب مايه مع التقليب وهي سخنه
نسيبها تبرد شويه ونرجع تاني نفورها عالمصفاه ٥دقايق
وبعدين ناخد مغرفتين من الشوربه ونضيف عليهم معلقتين كبار ماء زهر
ونوزعهم عالرشته ونقلبها كويس
تقدم الرشته مع الفراخ والخضار والحمص
بالف هنا وشفا
تعليقات
إرسال تعليق