طريقة عمل الكبيبه الاقتصاديه من الشيف فاطمه ابو حاتي

طريقة عمل الكبيبه الاقتصاديه من الشيف فاطمه ابو حاتي

كوبين برغل ناعم

كوب ونص دقيق

بصله متوسطه مفرومه

نص كوب زيت

ملح

نص معلقه نعناع ناشف

معلقه صغيره فلفل اسود

معلقه صغيره بهارات سبعه

٣ كوب مايه مغليه

نطحن البرغل فى المطحنه و بعد ما يطحن نحطه فى بوله و عليه ٣كوب مايه مغليه و نقلب و نغطى و نسيب البرغل لغايه ما يمتص المايه كلها هنسيبه حوالى ساعه الا ربع .

الحشوه نص كيلو لحمه مفرومه

نص كيلو بصل مفروم

ملح فلفل بهارات سبعه

بقدونس مفروم

للتقديم

بقدونس مفروم

ورده طماطم

شرايح فلفل احمر واصفر

فى طاسه ع النار نحط معلقه سمنه و تسخن كويس جدا

و نحط عليها البصل و لما يدبل نحط البهارات السبعه و الفلفل و نقلب و بعدها نحط اللحمه و نقلب و لما تستوى نضيف الملح و البقدونس .

نجيب البرغل بعد ما شرب المايه نقلبه عشان نطلع السخنيه بتاعته و بعد ما بردت نضيف الدقيق و النعناع الناشف و الفلفل الاسود و بهارات سبعه و البصله و الملح و الزيت و نعجن كل المكونات دى كويس جدااا

هنبدأ نشكل الكبيبه هندهن ايدينا زيت و ناخد جزء من العجينه و نبدأ بايدينا نفتح فتحه عشان نعرف نحط حشوه و نقفل عليها كويس و عد ما نخلص الكميه كلها نسيبها ترتاح فى التلاجه نص ساعه و فى زيت غزير على نار متوسطه نحمر الكبيبه و نطلعها على مناديل مطبخ .