طريقة عمل الطرشي البلدي المشكل السريع للشيف فاطمه ابو حاتي

زهره قرنبيط متقطعه صغير

كيلو جزر متقشر ومتقطع صوابع بقطاعة الجزر المشرشره

كيلو خيار متقطع ترنشات بالقطاعه المشرشره

نص كيلو فلفل حامي اخضر متقطع ترنشات

نص كيلو فلفل حامي احمر متقطع ترنشات

عودين كرفس مفرومين

للتخليل

ربع كيلو فلفل احمر حار

فصين توم

لترين مايه مغليه

١٠معالق كبار ملح

نص كوب خل

معلقة كبيره سكر

معلقة كبيره حبة البركة

معلقة صغيره كركم

معلقة صغيره كسبره حصي

معلقة صغيره كمون حصي

نغلي مايه ونحط فيها القرنبيط ونطفي ونسيبها ٥دقايق

نصفي القرنبيط من المايه

ونضيف باقي الخضار المتقطع ونقلبهم مع بعض

نعبي الخضار في برطمان ونملاه كويس

لعمل محلول التخليل

نفرم الفلفل الاحمر ونضيفه للترين مايه مغليه والملح والسكر ونقلب لغاية مايدوب نضيف الخل وحبه البركة والسكر والكسبره والكمون ونضيف المحلول للخضار

لغاية مانغطيه تماماً

نقفل البرطمان كويس جداً ونسيبه ٣ايام ويتاكل بعدها بالف هنا وشفا

موقع موسوعتى