طريقة عمل كفته الفراخ للشيف فاطمة ابو حاتي

للكفته

كيلو صدور فراخ مفرومه

بصله مفرومه

٣معالق كبار بقسماط مطحون

نص كوب كسبره خضرا مفرومه

ملح وفلفل بابريكا توم بودر بصل بودر

للأرز

كوبين ارز بسمتي

٤اكواب شوربه مغليه

نص معلقه صغيره زعفران بودر

ملح عودين قرفه فصين حبهان وقرنفل

مكعب مرقه

للصوص

كوب زبادي ٢٥٠جام

٣معالق كبار مايونيز

معلقه صغيره توم مفروم

ملح وفلفل

للفته

خبز ابيض متقطع مكعبات ومتحمص

نص كوب بقدونس مفروم

كوب فلفل الوان متقطع مكعبات

معلقة كبيره صلصه

معلقه شطه

نعمل الارز بتشويحه مع قلبل من السمنه والزيت

ونضيف البهارات ومكعب المرقه ونقلبهم كويس نضيف الشوربه ونغطي عالارز حتي يتشرب ثم نهدي النار حتي تمام النضج

تعجن مكونات الكفته مع بعض كويس جداً وتكور كور متساويه

في ووك عالنار هانحط معلقتين كبار سمنه ونحمر الكفته كويس ونغطي عليها حتي تمام النضج نرفعها من الووك

ونحط مكانها الصلصه والفلفل الالوان والشطه ونقلبهم قليلاً

هانحضر طبق التقديم

نحط العيش المحمص وعليه الارز والكفته ونزين بالصوص وخلطه الصلصه والبقدونس وتقدم بالهنا والشفا

موقع موسوعتى